حور 1
09-12-2022 - 04:10 pm
السلام عليكم
بلييز احتاج مساعدتكم في ترتيب وتنظيم برنامج شهر العسل لشهر سبتمبر
بصراحة الميزانية محدودة جدا .. حفلة العرس وتجهيز منزل المستقبل قصفنا تماما
الرحلة كانت بين امريكا و اوروبا
والحمدالله...وصلت تايلند
الرحلة ان شاء الله نبيها تكون تقريبا مدة بين اسبوعين الى 3 اسابيع
وان شاء الله نتمنى ان نروح تايلند وليلتين او 3 ليالي المالديف
واذا المالديف ماتبينا احنا مانبيها بعد
شروط سفرتنا !!
ادري ان تايلند اهي دولة مستعمرة عربيا
بس قد مانقدر نبي نحاول نبتعد عن المناطق اللي يكثر فيها السياح العرب !!
اكس عود على بانكوك ... واكس اكبر على بتايا
انه ابي اروح كوسوه موي ... وزوجي يبي يروح فيفي ايلند اللي اعتقد اهي تبع بوكيت اذا مو غلطانه !!
سمعت ان شنغماي حلوة وفيها عرب لكن للحين ما استعمروها عدل مثل بانكوك
اصلا احنا رحلتنا ان شاء الله بتكون نهاية 9 وبداية شهر 10
يعني فتحت المدارس.. والناس بيروحون الحج الله يتقبل منهم مقدما
واحنا ان شاء الله نعسّل
المالديف ...ابدا ماعندي أي خبرة عنها !!
عموما ....بليز احتاج مساعدتكم
وللعلم ميزانيتنا المحدودة جدا جدا اهي 2000 دينار
20,000 ريال فقط
تشمل التذاكر و السكن ومصاريف السفر
وللعلم كذلك.... انه وحدة اخر همي السوق !!
مو حاطة أي اهمية للتسوق ابيي استمتع بسفرتي بالمغامرات شوي والريلاكس شوي
وشكرا عفوا
مثل ماقلتي المالديف
انا طلعت شهر العسل لمالديف
المالديف عبارة كل جزيرة فندق
جلسنا 3 ايام كأنك محبوس بالجزيرة
وغالية تذاكر سفرها
خليكم على تايلند
فيها كثير مناطق تصلح لشهر العسل من الشمال الى الجنوب
افضل شئ كل 3 ايام بمدينة
واختيار بداية شهر 10 مناسب جدا
المناطق الشمالية
بيفدكم بها مشرفنا بونجيب
اما الجنوب
هواهين
قربية من بانكوك
جزيرة كوساموي
وجزر حواليها Ko Phangan و Koh phaluai
جزيرة كوتشانج
بوكيت
وحواليها من جزر Ko Phi Phi او في في هي نفسها PP
كرابي
شاطئ Ao Nang و جزيرة Ko Lanta Yai
سونجكلا - هات ياي
لي تقرير جديد قريبا
والباقي على الاعضاء