18-12-2022 - 08:51 am
عندي مشاكل عده اولها و اهمها ان وجهة سفري هذي السنه امريكا بلا منازع بس صارت مشكله في الفيز تخص زوجي, و يبغون منه ورقه و شكل السالفه بتطول ,, فلازم ابحث لي عن وجهة سفر ثانيه
قلت ما لي الا كندا من ريحة امريكا
الصراحه محتاره بينها وبين استراليا بس اللي خلاني اتوكل على كندا ان طريقها ارتب من استراليا و مقارب لتخطيطي لامريكا و ممكن استفيد من التذاكر اللي شريتهم بالفعل من الخطوط البريطانيه يعني بنزل في لندن فالروحه والرجعه ترانزيت لان ما يقدر زوجي يسافر مسافات بعيده متواصله و هذي اللي خلاني استبعد استراليا
ما علينا
الحين انا من خلال بحثي في هذا المنتدى كونت فكره عن الاماكن اللي حبيت ازورها في كندا وهي
تورنتوو ’ اتوا , مونتريال , كوبيك , وابي اعرف المنطقه الاقرب للشلالات و هل يستدعي اننا نبات فيها ؟؟
و طبعا فانكوفر في الجهه الثانيه يعني بما اننا اثنين فقط نقدر نتنقل و تكون سفرتنا خفيفه
كيف التنقل في داخل كندا هل يكون بالطيران حتى وان كانت المناطق قريبه يعني ما في قطار ؟؟ افيدوني و قولولي وشكثر تنصحوني اجلس بكل منطقه و هل في وحده تستاهل زياره يوم واحد فقط و نرجع ؟؟؟
ترااني محتاره
واخيرا من عنده فكره عن الفيز شلون اقدمها من البحرين و وين ؟؟
هالمكتب أنه شفته قريب من ال eaton centre يكونون متواجدين في كشك صغير في الساحة الكبيرة الي جدام المجمع الي فيها نوافير مائية و اعلانات على المباني شوي شبيه من times square الي في نيو يورك ...