اخوي دام ات شغلك يحتم عليك انك تكون بزيوريخ طول اسبوع كامل خلك هناك ومنها اخذ رحلات خارج زيوريخ ورد لها بس انترلاكن يومين انا اقول فيها ظلم لهالمدينه هذي اقعد فيها اربع ايام ومنها تقدر تطلع حق لوزيرن وبيرن عادي اذا تبي وبعدها تطلع لجنيف واذا تقدر تخلي الرده منها افضل دام فيها مطار هناك وتريح عمرك من الحط والشيل ومادري شوف اللي انته بترتاحله.

تسلم اخوي منوي المشكلة ان ما حصلت حجز عودة من جنيف
بنتظار باقي الخبراء

اذا مالقيت من جنيف شوف اخوي حجز لك من بيرن ترى والله متعه حلوه

حبيب الامس
الافضل انك تخلي الاربع ايام في انترلاكن
وتقدر يوم تزور بيرن وترجع في نفس اليوم
ويوم ثاني تزور لوزيرن وبرضو ترجع في نفس اليوم
(اذا انت في خاطرك تزور المنطقتين)
واذا تحس انه تعب على الوالد الله يحفظه
فانا ارجح لوزيرن
يعني بيكون برنامج الرحلة
اما
( اسبوع زيورخ , انترلاكن 4 ليالي متضمنه زيارة لكلا من لوزيرن وبيرن , جنيف ليلتين )
او
(اسبوع زيورخ , ليلتين انترلاكن , ليلتين جنيف , ليلتين لوزيرن )
وايضا اذا ممكن معلومات عن كل مدينة ( الفنادق الممتازة الاسواق المطاعم الامكان السياحية المهمة )
انت حدد برنامج الرحلة وعلى اساسه نقدر نتصور البرنامج اليومي

اشكركم على التواصل
انا ودي بخط السير التالي (اسبوع في زيورخ - يومين في انترلاكن - يومين في جنيف - ويومين في لوزيرن) بس اخاف يصير متعب من كثر التنقل في الفنادق وشيل الشنط .
ولا البرنامج الثاني ( اسبوع في زيورخ - يومين في جنيف - واخيرا اربع ايام في انترلاكن ) وهل ممكن من انترلاكن اروح لوزيرن ؟

اخوي شيل الجناط وعوار الراس راح يذبحكم افضل انك تستخير عالبرنامج الثاني افضلك .. ومن زيوريخ ادري ان عندك شغل بس تقدر تطلع وتروح منها على بيرن واذا حاب لوزيرن تروح لها من انترلاكن تقريبا منها ساعتين بالقطار.. وبالقطارات تروح وين ماتروح بسويسرا كل شي ممكن

اخوي يومين يومين في كل منطقة ماراح تستفيد منها شي بس شيك ان وشيك اوت ..
عندك اسبوع ركز فيها على منطقتين هاذي قاعدني ..
تحيااتي ..

حبيب الامس
من ناحية متعب فهو بجد متعب
خاصة ان معاك الوالد الله يحفظه
ولا البرنامج الثاني ( اسبوع في زيورخ - يومين في جنيف - واخيرا اربع ايام في انترلاكن )
برأيي هذا الافضل
وهل ممكن من انترلاكن اروح لوزيرن ؟
طبعا ممكن
لكن في حال وجود فرصة لزيارتها من زيورخ يكون افضل
كي تستغل الايام الخاصة بانترلاكن لزيارة مناطق اخرى
بالتوفيق

برنامجك الثاني أفضل
( اسبوع في زيورخ - يومين في جنيف - واخيرا اربع ايام في انترلاكن )
ولو اني ما أأيد جنيف مافيها شي يسوى , ممكن تخلي يومين لوزيرن ( زيورخ - انترلاكن - لوزيرن - زيورخ )
بين لوزيرن وانترلاكن ساعتين بالقطار انا رحت لها ورجعت بنفس اليوم
او يومين لوزان يعني ( زيورخ - لوزان - انترلاكن - زيورخ )
أو زيورخ - ( 3 ساعات ) لوقانو - ( 5 ساعات تقريبا ) انترلاكن - زيورخ
لوقانو حلوة وطبيعتها مختلفه مرره عن باقي المدن تحس انك في ايطاليا فاذا ما تفرق معكم الخمس ساعات في القطار انصحك فيها
بالتوفيق