لوتضعها ساحة الاستفسارات كان ممكن تلقى صدى اكثر

اعتقد تقصد Time Share
توه نزل القانون في دبي عن هالموضوع
بس انا للحين ماقريته
بس للحين ماشفت اي عروض
سمعت من فترة ان الماريوت عندهم مشروع في فستيفال سيتي .. بس للحين مافي تفاصيل عنه

طال عمرك قبل سنتين كنا نتمشى في مجمع سيتي سنتر انا ومعاي واحد
جتنا مندوبه تقول انها من احدى الشركات العالمية وسألتنا عن رواتبنا وقلنا لها
قالت تمام تنطبق عليكم الشروط وتفضلوا زورونا في موقعنا (اسم البناية معروف بس لو احد يذكرني ممكن اتذكره)
المهم رحنا عندهم اليوم الثاني قلنا بنشوف وش سالفتهم طبعا ورونا عرض تلفزيوني لشركتهم وجلس معانا واحد مغربي
حوالي ساعتين يتكلم ويحاول يقنع فينا ان العرض ممتاز وهو انك تشتري اسبوعين او اكثر ماادري كم بالضبط
في احدى دول العالم وكان يتكلم عن باريس ولندن ويقول عندنا دول اخرى لو حبيت.........
واذا حبيتم تروحون اجازة بلغونا نفضيها لكم وبعد ماادري كم سنة تصير لكم شراكة مع ناس وتتقسمون الاشهر بينكم.....
المهم شمينا فيها ريحة نصب ودجل وكذب (اذكر اني ضحكت في نفسي وقلت معقولة وصل النصب لهاالاساليب المتطورة)
ماارتحنا لهم وطلعنا جانا واحد الظاهر مديرهم وعطانا تذكرتين لركوب الباص العجيب مجانا......
حنا سبق وركبنا الباص المائي وكان بجنبنا في الفندق شباب من جدة حبوبين ونقابلهم احيانا في المصعد
عطيناهم التذاكر ..............
الزبدة اخوي ابعد عن الشركات واذا بتسافر ادفع حق سكنك والمدة اللي تبيها وانبسط وابعد عن وجع الراس.......

تبي رأيي ابعد عنهم كلها نصب واحتيال

ياأخوان الفكرة ليست نصب عند الشركات العالمية المعروفة و لكنها لاتناسب العقلية العربية لماذا؟
أولا عليك عمل الحجز مبكرا ربما قبل 6 أشهر و عليك دفع صيانة سنوية بغض النظر اذا سكنت أم لم تسكن . نحن العرب قراراتنا سريعة و لحظية و لا نقرر قبل 6 أشهر. أضافة الى أن هناك بعض المصاريف الأخرى المخفية قد لايقولها لك الموظف لك عند توقيع العقد. المزعح في الموضوع الأسلوب الرخيص و المتكرر في عملية التسويق. سمعت نفس القصة مية مرة , و صارت معي كذا مرة . أرجو أن أكون قد أوضحت الصورة

اذا كانت سفراتك محدوة سوق تكتفي بحجز الشقة او الغرفة عند الزيارة، واذا كانت متكررة فالموضوع جيد ولا باس به ولكن ابحث عن الشركات الثقة وتأكد بأنها مسجلة لدى الدائرة الاقتصادية
ولكم جزيل الشكر

والله يا خوي ماعرف للحين ماقريت اعلانات عن هالنوع من التملك عندنا في دبي

عرب لينك
أضافة الى أن هناك بعض المصاريف الأخرى المخفية قد لايقولها لك الموظف لك عند توقيع العقد. المزعح في الموضوع الأسلوب الرخيص و المتكرر في عملية التسويق.
معنى كلامك انهم نصابين واساليبهم رخيصة

هذا النوع موجود واسمة التايم شير يعني تشتري مدة مثلا أسبوع لمدة عشر سنوات أو أكثر وتقدر تبيعها وتقدر تأجرها لأي أحد غيرك.
ولازم انك تبلغهم قبل فترة أو تدز لهم فاكس علشان يتم الحجز لك في البلد اللي أنت راح تروح له .
أعتقد أن هالأمور ماتصلح لنا ومثل ما قالو الأخوان قبلي أن أحنا ما نحب نكون ملتزمين في فندق معين أو شقة وعلى راحتنا نحجز وفي فترة صغيرة .
وسلامتكم أخواني