اهلين شباب وصبايا .. ..
ان شاء الله هالسنه ناويه اشد الرحال الى تركيا .. وراح ادرج لكم جدولى واستفسارتى وحابه الكل يضيف اقتراح او وجهه نظر او حاب يغير فى الجدول له الخيار .. وكلى سمعا وطاعه ان شاء الله ..
فى البدايه رحلتى راح تكون فى شهر سبتمبر 2012 .. وبيكون من تاريخ 12 الى تاريخ 20 ..
الايام تقسمت على 3 ايام فى اسطنبول - 2 فى انطاليا - 2 فى بورصه - 1 فى اسطنبول ..
الرحله بتكون على الخطوط القطريه ( السعوديه ( الدمام ) قطر تركيا )
رحلتنا بتكون مع قروب بواقع 4 رحلات فى المده ( انا طلبت تكون ايام راحه بدون القروب عشان اتمشى مع زوجى على راحتنا ومانرتبط مع القروب اغلب الايام )
اليوم الاول .. اسطنبول .. السكن فى فندق .. Villa Pasha Hotel اول يوم بيكون راحه
اقترح نطلع بعد الساعه 4 الى زياره اورتاكوى اتوقع الوصول اليها من ميناء بيتكتاش زياره الجامع بس مااعرف اسمه؟ العشاء فى المطعم العائم ( ممكن اعرف وين مكانه بالضبط )
اليوم الثانى (مع القروب ) بنزور المسجد الازرق - ايا صوفيا - البازار الكبير - متحف الاسلامى التركى ..
نرجع الفندق الساعه 3 ( اقترح ان نزور تل العرايس والعشاء فى برج البنت ) ممكن اعرف طريقه الوصول له ..
اليوم الثالث .. (مع القروب) بنزور بازار التوابل - مسجد رستم باشا - البسفور ..
مدرى الساعه كم بنرجع الفندق . بس اقترح راح نزور مجمع فورم اسطنبول ( طريقه الوصول له عن طريق الترام نوصل الى اخر محطه فى zeytinburnu نتجه الى اليسار وناخذ ترام يتجه الى محطه اكسر اى وننزل فى محطه kartaltpe ونصعد السلم ويكون المول امامنا .. )
اتمنى تكون معلومتى لموقع مجمع فورم اسطنبول صحيحه ؟
اليوم الرابع .. ننتقل الى مدينه انطاليا .. ونسكن فى فندق Address Residence Luxury Hip Hotel
بنوصل الساعه 3 العصر وبنزور مدينه الالعاب ومجمع ميجروس .. ( مااعرف طريقه الوصول لهم )
اليوم الخامس .. مع القروب ( بنزور شلالات دوين - زياره فى ارجاء المدينه وشراء التحف
اليوم السادس ... ننتقل الى مدينه بورصا السكن فى فندق BoyuguzelTermal Hotel
زياره زياره جزيره الاميرات .. ولااعرف طريقه الوصول لها عن طريق مدينه بورصا .. ( ممكن تفيدونى )
اليوم السابع .. ( مع القروب ) اليوم اتوقع حافل .. بيكون زياره لجبل اولداغ - زياره مسجد الخضراء وضريح الاخضر - زياره سوق الحرير القديم - حبل اوليمبوس - غداء من كباب الاسكندر الشهير - المسجد الكبير )
لو فيه وقت بزور الحمامات المعدنيه فى يلوا عن طريق باص اتفق مع سائق فى حدود 150 دولار او 200 دولار والرجوع الى بورصا عن طريق الباص او تاكسى ( ممكن اعرف كم اخر رحله باص او التاكسى بحدود كم يرجعنا الى بورصه محتاجه خبرتكم )
اليوم الاخير الرجوع الى اسطنبول فى فندق .. Kariye Hotel ( اللى عرفته ان هالفندق هادى وهذا اللى نحتاجه فى اخر يوم زياره لنا .. استرخاء )
التسوق من من حى عثمان بيه او مول جواهر ( لااعرف كيف الطريق اليهم احتاج فزعتكم . )
السفر ثانى يوم الساعه الواحده الظهر ( تركيا - قطر - السعوديه )
اتمنى يكون البرنامج رائع .. وربى تعبت فى التنسيق ومستعده لاقتراحاتكم ..