مرحبا أخوي أمير الريشه..
عن أبوظبي::
شي في المارينا مول وأبوظبي مول أماكن مخصصه للألعاب الكهربائيه مع مطاعم,وشي ألعاب في جمعية المينا, وشي مكان ألعاب صغير ودوم فاظي عند فندق الخالديه بالاس, وعن الحدائق العامه, للأسف ماشي فبوظبي منتزه ترفيهي كبير(منتزه خليفه قيد الإنشاء), شي حدائق صغيره وبعظها للنساء والأطفال فقط..
أقترح عليك تخلي اليوم الثالث لمدينة العين,,,
المسافه من بوظبي للعين بس 150كم(ساعه ونص) والخدمات متوفره على الطريق..
تبدأ الرحله الصبح, وأول شي تروح حديقة الحيوان وتيلس من ساعتين إلى ثلاث ساعات, بعدين تاخذ غداك وتتغدا في (مبزره) تحت جبل حفيت, بعد الغدا تروح (حديقة ألعاب الهيلي) وتيلس لين الساعه7, بعدين تروح العين مول ولا الجيمي مول تتعشى , وترد أبوظبي بالسلامه.
وترى الجو بدا يبرد شوي!!
ويامرحبا بك

حبيت اساعدك من واقع تجربه لي حصوصا الاسبوع الفائت كنت في دبي ومعاي اولادي في عمر عيالك 10 و 7 سنوات شوف اخوي في كل مجمع فيه العاب مثلا سيتي سنتر ابن بطوطه وخصوصا الامارات مول انصحك في سكي دبي وهي مدينه الثلج وتزور طبعا الحديقه الثلجيه وتستمتع بالبرد القارس
وابيك تزور القريه العالميه فيها اماكن كثيرة ومطاطعم والعاب كثيرة للصغار والكبار بس شوي غاليه وتقدر تقعد فيها يوم كامل خصوصا انها بعيده شوي

اختي حور الامارات
الف شكر على اقتراح متحف التاريخ الطبيعي... اتذكر رحنا له من 8 سنوات كنت ذاك الوقت ما عندي الا 3 اطفال واكيد بنروح له مرة ثانية.
على فكرة ناوي بعد اروح جبال حتا من 8 سنوات كان الوادي في ماي رايق وصافي بسبب كثرة الامطار في ذيك السنة اتمنى هالمرة يكون فيها ماي لاني جدا احب منظر الجداول المائية الرايقة.

مرحبابك اخوي مقدما في دارك الثاني
الاخوان ماقصرو يزاهم الله خير
بس حبيت اضيف..حديقة الخور فيها مدينة الطفل مكان ترفيهي وتعليمي في نفس الوقت..ايضا يوجد في الحديقه تلفريك بإمكانكم اخذ جوله..وكل سنه يسوون عروض الفنتازيا(النوافير الراقصه)+الألعاب الناريه في حديقة الخور في فترة المهرجان..هذي السنه لحد الآن مانعرف وين ..الفعاليات كلها تكون موضحه يوميا في الجريده
في فترة العيد فعاليات كثيره في دبي خاصه ان المهرجان بيكون فاتح..مثل شارع الرقه على امتداده
الألعاب كهربائيه+السيرك..
وعن سؤالك عن القريه العالميه بتستمتعون..الجو بارد وخاصه هاليومين برد الجو أكثر الأطفال يحتاجون جاكيتات..حتى لكبار لو يحسبون حسابهم يكون أفضل

امير الريشة
انصحك للاطفال يلبسون شي ثقيل للقريه العالميه لانها منطقه مفتوحه تحس بالهواء البارد وخصوصا للاطفال يمرظون مو مثلنا مانحس بشي
ومن الشغلات الجديده في القريه العالميه التكسي الكهربائي واللي تسوقه امراه (غريبه) يعني تقدر من اخر محطه تاخذ التكسي وعلى طول سيارتك او موقف التكسي الخارجي

يؤسفني اخبركم اني الغيت رحلتي بسبب فترة الحداد على المرحوم الشيخ راشد بن مكتوم.
وبا