وعليكم السلام ورحمة الله وبركاته
الف مبروك صدور التأشيره من السفاره الالمانيه
ومن وجهة نظري افضل مخطط يكون كالتالي :
1 ليله ميونيخ للراحه
2 ليلتين كونستانس
3 ليالي بادن بادن أو رست ( قريبه من ملاهي اليورب بارك )
2 ليلتين زيورخ
4 ليالي انترلاكن
2 ليلتين مولز mols السويسريه
5 ليالي زيلامسي
2 ليلتين ميونيخ
وهذا رابط لمسار الرحله :
http://maps.google.com/maps?saddr=%D9%85%D9%8A%D9%88%D9%86%D8%AE,+%D8%A3%D9%84%D9%85%D8%A7%D9%86%D9%8A%D8%A7&daddr=%D9%83%D9%88%D9%86%D8%B3%D8%AA%D8%A7%D9%86%D8%B3,+%D8%A3%D9%84%D9%85%D8%A7%D9%86%D9%8A%D8%A7+to:Rust,+Deutschland+to:%D8%B2%D9%8A%D9%88%D8%B1%D8%AE,+%D8%B3%D9%88%D9%8A%D8%B3%D8%B1%D8%A7+to:%D8%A5%D9%86%D8%AA%D8%B1%D9%84%D8%A7%D9%83%D9%86,+%D8%B3%D9%88%D9%8A%D8%B3%D8%B1%D8%A7+to:Mols,+Quarten,+Schweiz+to:%D8%AA%D8%B3%D9%8A%D9%84+%D8%A3%D9%85+%D8%B2%D9%8A%D9%87,+%D8%A7%D9%84%D9%86%D9%85%D8%B3%D8%A7+to:%D9%85%D9%8A%D9%88%D9%86%D8%AE,+%D8%A3%D9%84%D9%85%D8%A7%D9%86%D9%8A%D8%A7&hl=ar&ie=UTF8&ll=47.472663,10.184326&spn=3.282429,10.821533&sll=47.827908,10.184326&sspn=3.26019,10.821533&geocode=FXaL3gIdGrOwACnZX4yj-XWeRzF9mLF9SrgMAQ%3BFXFD1wIdyvWLAClbHww4G_aaRzHQmd-lt2sfBA%3BFQKC4AIdBPd1ACmtHqi2gTmRRzEght-lt2sfBA%3BFbPE0gIdcnaCACkZor5JlwuQRzED3B_n8Y1u5g%3BFSFfyAIdtwt4ACnz3CpwfKOPRzF5toZKOvMK_Q%3BFWbhzgIdpJaNACnrJuzkVyqbRzEf_9njjQzRhA%3BFYAZ0gIdskPDACnLDC2MbR13RzHC3XGvozUxRQ%3BFXaL3gIdGrOwACnZX4yj-XWeRzF9mLF9SrgMAQ&mra=ls&z=7

الله يعطيك الصحة اخوي ابو نزبه ويبارك فيك .
بالنسبة لكونستانس هل برأيك هي أفضل من سالزبورغ ؟؟
وهل فيه مميزات تميّز بادن بادن عن رست .. يعني اقصد وش افضل وحده فيهن لاني ودي ازور اوروبا بارك
وبادن بادن وايضا ستراسبورغ ( هل سبق زرتها ووش رايك فيها )
من خلال الصور احس فيها من فينيسيا هل هالشيء صحيح ولا ؟ علماً بأني ما طبيت فينيسيا بس اشوف الشباب
يمدحون بها بالمنتدى .
طبعاً أقصد ايهما افضل في السكن برأيك ( رست او بادن بادن )
ايضا استفسار عن رسوم الطريق الاحظ مكتوب بقوقل ماب انه يوجد رسوم طريق في مناطق معيّنة .. هل هو نفسه
الاستكر اللي تقولون عنه اللي بالنمسا وسويسرا ام ان هذه رسوم مستقلة ومالها علاقة بهالشيء .. وسؤال هل بفرنسا
( ستراسبورغ ) ستكر ايضا ولا وش الطريقة .
البرنامج عاجبني لكن لو كان بالامكان اضافة سالزبورغ بيكون أفضل ولو كان على حساب زيورخ او كونستانس
خصوصا زيورخ فنادقها اسعارها خيالية وهي قريبة من انترلاكن لو اردت ازورها ..
والله عندي كم استفسار بعد بس ما ودي اثقل عليك بخليها اذا اتفقنا على البرنامج
شكرا ابو نزيه

عندك 21 ليله ممكن يكون مخطط
ليله ميونخ - 4ليالي بادن بادن - 3ليالي كونستانس - 4ليالي انترلاكن - 6ليالي زيلامسي - 3ليالي ميونخ
من بادن بادن ممكن تزور العاب اليورب بارك وستراسبورغ
من كونستانس ممكن تزور زيورخ وشلالات الراين وعندك جزيره الزهور رائعه وتستحق الزياره وفيها بحيره ونهر الراين
المسافه الاطول من انترلاكن الى زيلامسي بس عادي ممكن يوم كامل يكون للطريق
سالزبورغ تروحون لها من يزلامسي دام معاكم سياره

بالنسبه للسياره انت راح تاخذ السياره من المانيا معناته لازم وانت طالع من كونستانس الى انترلاكن تشتري استكر سويسرا الله يعينك سعره 40 فرنك على ما اظن غالي بس وش تسوي لانك تبغى تروح سويسرا او انك تكنسل انترلاكن ويصير ماتدفع حق الاستكر وانا ارتب لك مخطط ثاني لوبغيت
وبعدها وانت رايح من انترلاكن الى زيلامسي اذا دخلت النمسا تشتري استكر خطوط النمسا سعره 7 يورو بس وتعلقه على قزازه السياره اما المانيا ما لها استكر خلصنا من الاستكر
اما الرسوم اللي تجيك بالطريق هذي رسوم اضافيه وغالبا يكون سعرها 7 يورو تقريبا وانت راح تلاحظ وانت بالطريق يجيك موقف تفتيش بس بدون تفتيش وتلقى مكتوب سعر السياره الصغيره كذا وسعر السياره الكبيره كذا تدفعها للرجال الموجود وتكمل طريقك

حلو المخطط يا اختي الله يعطيك العافية ويوفقك .
لكن هل تفرق لو بدأت بزيلامسي قبل رست من ناحية الاجواء يعني اعكس الخطة لاني متخوف من الثلوج
يعني يكون
ميونخ - زيلامسي - ثم بقية الخطة النهائية - ثم النهاية ميونخ .
لو فرضنا وكنت بألغي دخولي الى سويسرا هل فيه مناطق جمالها مقارب لجمال انترلاكن .. وبما انك رحتي الى
زيلامسي وانترلاكن هل ترين ان الواحده منهم مغنية عن الاخرى ..
قيمة ضرائب طرق سويسرا 200 الى 230 ريال على ما اعتقد .. سهلة نوعاً ما لكن المشكلة فنادق كل مدن سويسرا
جداً غالية ومن خلال الصور أرى أن بعض المناطق النمساوية والالمانية مقاربة لسويسرا فهل يمكن الغائها واضافة مدن اخرى غير سويسرية .
فيه سؤال آخر بارك الله فيكِ
في الفيزا مكتوب C وبعدها mult وبعدها المدة 90
هل هذا النوع هو اللي يمديني اروح وأجي كم مره الى المانيا طالما ان الفيزا سارية المفعول ام انه هذي اللي يسمونها
دخول واحد .. طبعا اقصد لو رجعت السعودية وحبيت اروح مثلا بعدها بشهر هل يسمح لي اني ادخل ؟
شكرا جزيلا

برايي زيلامسي وانترلاكن متشابهه جدا بل زيلامسي تتفوق عليها بتوفر الشقق وارخص من سويسرا بكثير
ممكن نبدل ونبدا بزيلامسي ما في اي مشلكه
ميونخ - زيلامسي - انترلاكن - كونستانس - بادن بادن - ميونخ
اذا بغيتي تحذفين انترلاكن ممكن نضيف قارمش او سيفليد وهي ارياف مره حلوه وممكن تشوفين تقرير الريف الداتشي لاخوي مستر ثامر تقريره عن قارمش وفوشن والمنطقه هذيك كلها حلوه

بالنسبه للفيزا ماعندي علم ان شاء الله الاخوان يفيدونك

شكرا يا اختي ماقصرتي
انا ودي بإضافة قارمش شفت تقرير الاخ ثامر عنها جداً رائعة ولاحظت انها قريبة من ميونخ فهل بإمكاني أبدأ بها
بدل من ليلة ميونخ لأن وصولي بيكون بإذن الله على الساعة 3 واذان المغرب بيوم وصولي بيكون الساعة 7 ودقيقتين
بمدينة قارمش فهل من رأيك أبدأ بقارمش ولا اخليها ليله في ميونخ ثم أكمل برنامجي ؟
وهل خط السير هذا صح
ميونخ -
قارمش 2

• زيلامسي 8
• رست او بادن بادن 5
• كونستانس 3
• ميونخ 3

مع احتمالية جعل ميونخ محطة وصول فقط وان كان الترتيب سليم هل عدد الايام بكل مدينة مناسب ؟
آسف جداً تعبتك معي ..
شكرا جزيلا

احسن مخطط مرتبه المسافات فيه انكم تبداون من فرانكفورت وتنتهون بميونخ ويكون مخططكم
فرانكفورت وصول فقط - بادن بادن - كونستانس - قارمش - زيلامسي - ميونخ
المسافه من فرانكفورت الى بادن بادن 183 كلم تقريبا ساعتين
شوف المخطط هنا
http://maps.google.com/maps?saddr=Frankfurt,+Deutschland&daddr=Baden-Baden,+Deutschland+to:Konstanz,+Deutschland+to:Garmisch-Partenkirchen,+Deutschland+to:Zell+am+See,+%C3%96sterreich+to:Munich,+Germany&hl=ar&ie=UTF8&sll=48.683708,10.50293&sspn=3.22763,9.832764&geocode=FdWj_AIdp3SEACnFlnBHbwm9RzEAxrApUEMiBA%3BFfgD6AIdsLp9AClFMfeRQx-XRzHBxfMzGSkPYw%3BFXFD1wIdyvWLAClbHww4G_aaRzHQmd-lt2sfBA%3BFfes1AIdlympACkpM4qTYAGdRzGAnIvXrUgeBA%3BFYAZ0gIdskPDACnLDC2MbR13RzHC3XGvozUxRQ%3BFXaL3gIdGrOwACnZX4yj-XWeRzF9mLF9SrgMAQ&mra=ls&z=7