شوفي أنا لندن ما رحت لها إلا بالصيف و مره حبيتها .. يعني الجو يكون بارد و حلوو و تجيك أيام رش مطر .. يعني صراحه الجو رايق بالصيف .. ... مهما قالوا عن لندن تبقى حلوه و وناآآآآآآآآآآآآآآآآسه >> أهم شي السوق ...

احلا شيء انك تروحين لندن بالصيف .. وقت الزحمه .. وتحسين فيها احد .. تو الشباب رايحين قبل اسبوع ويقولون الوضع جداً.. سيء تحسين الديره فاضيه ..

كطبيعه وجو مافيه مقارنه بين الثنتين ابدا
سويسرا اجمل بكثير خاصه القطاع الالماني منها
واذا تبين تسوق روحي لندن

اذا تحبين الطبيعه سويسرا بس ترا سويسرا اوقات الكرنفال اقصد جنيف زحمه موت وكلها عرب وماتصلح الصراحه !
واذا تحبين الزحمه لندن

شكراا جزيلا للجميع ..
الله يعطيكم العافية شاكرة لتفاعلكم معي ..

السلام عليكم
ابتعدوا عن لندن بالصيف ..
إلا إذا بتجون نهاية شهر 6 أوكي ..
اما شهر 7 و8 ماأنصح حد أيجي لندن ..
وسويسرا في هذا الوقت بالنسبه لنا احلى ..
والشور لكم طال أعماركم ..

القطري
شكراا لك اخوي القطري بس ماقلتلي ليش لندن ماتصلح بالصيف
شكراا لك مرة ثانية والله يوفقك ان شاء الله لما تحب وترضى

سامحيني على الرد الأول لأنه كان مختصر لأن احنا كنا طالعين ..
لندن في الصيف زحمه مالها حد ..وفوق هذا أسعار الفنادق والشقق تكسر الظهر ..حتى احياناً تضطر تاخذ شقه حالتها سيئه بالقيمه الفلانيه ..بعطيج مثال بسيط ..الشقه الحين الي فيها غرفتين تاخذينها حوالي 650 باوند ..نفس الشقه تاخذينها بالصيف فوق 1600 باوند !!!
وإذا رحتي أي مكان للسياحه في لندن راح اتلاقون طوابير مالها حد أبداً ..
وفوق هذا ربعنا أهنا إذا جاوا أيخلون الوضع ماأيسر ..كله جلسه على القهاوي وترزرز وزبره على الفاضي والسوالف الي مالها داعي ..
وهذا مثال بسيط ..أمس رحنا متحف مدام توسو ودخلنا على طول بدون زحمه لأنه مافي زحمه أصلاً ..
أما في الصيف فالطوابير حدث ولا حرج ..
وللامانه من زمان ماجينا لندن في الصيف ..وهالصيف جيت لندن ترانزيت لما كان عندنا شغل في هولندا وجلسنا في لندن يوم ..وطلعت الهايدبارك في هاليوم عشان اغير جو ..ولما دخلت الهايدبارك وشفت الوضع هناك تحسفت اني دخلت الهايدبارك ..
أتمنى اكون وصلت الصوره ..
وأي خدمه احنا تحت أمركم

الله يعطيك العافية اخوي القطري ماقصرت والله اشكرك على اهتمامك
ليت كل الناس مثلك والله ..
شكراا لك مرة ثانية والله يوفقك ان شاء الله ..