الله يعطيك العافية وطولة العمر يا اخ هشومي وتراني لي فترة طويلة وانا ادور معلومات عن الحبشة ولا لقيت عنها شي وانا معزم ان شاء الله اروح لها قريب يعني بعد اسبوعين تقريبا ولا كني ما اعرف عنها الا القليل وانا بروح ادربي راسي هناك والله يستر ولكن ان شاء الله بمعرفتك انشال اكبر هم عندي وهو المعلومات عن هذا البلد
ويا ليت تقول لنا وين احسن مكان اروح له هل اجلس في العاصمة ام هناك اماكن افضل وكيف السكن هناك وهل هو نظيف وكم سعرة ولاكل والله الله في الاكل كيف اكلهم عساه ينسبنا والامن هل هي امنة باليل وبالنهار وكيف تعامل شعبهم هل هم مثل
تعامل الاخوة العرب معنا ولاطيبين والجوال عساة شغال هنا اقصد الجوال السعودي الاني سمعت من الاخوة الي زارها قبل فترة ليست بالقريبة ان الجوال ما يشتغل هناك
في الختام اشكرك جزيل الشكر والمعذرة على كثرة الاسالة ولكن سعة صدرك شجعتني على ان اخذ راحتي بالسؤال

اخوى الذيب وابو يزيد هذه بعض المعلومات عن اثيوبيا السكن يوجد فنادق ويوجد فيلل مثل فندق الكونكورد والشرتون والهليتون وانا افضل انك تسكن فى الفيلل بحيث تستاجر فيلا مكونه من 2 او 3 او 4 غرف حسب نظام الفيلا مع مطبخ ودورة مياه وصاله مقسومه نصفين عربى وافرنجى وحديقه تابعه للفيلا مع الخادمه وهم يطلبون السعر عاى الغرفه الواحده 50 بر اى مايعادل 25 ريال شامله الفيلا كاملهوالاسعار مش ثابته بس ماتعدى 80 بر للغرفه 0000000000 الاكل العربى متوفر فى المطاعم العربيه هذه بعض اسماء المطاعم مطعم محمد المندى ومطعم سنقام ومطعم صنعا ومطعم السفير 0000 تعامل الشعب هو الى يخليك تحب البلد فهم شعب طيب افضل انك تاخذ تاكسى معاك عاى طول وياخذ منك 100 بر فى اليوم 50 ريال والافضل انك تجلس فى العاصمه كاول زياره لك للتعرف عليها عن قرب اما بالنسبه للامان شوف اخوى اذا مااعتديت على احد ماحد بيمس شعره منك فى النهار خذ راحتك فى التنزه على رجولك اما فى الليل فانصحك اذا بغيت تطلع تاخذ التاكسى الى معاك وراح تكتشف شعب غريب وعجيب فى تقاليدهم وعاداتهم وانصحك انك تروح حديقه بيرا زقى فهى قمة الروعه الشعب الاثيوبى يتكلم الانجليزى واذا لزمك الامر عناوين سكن او اى شى لا يردك الا لسانك وشكرا

مشكور وما قصرت والله انك سويت فيه خير وللمعلومية حنا الي بنروح اثنين انا وصاحبي وياليت اخوي هشومي لوتعطيني بعض العناوين للسكن الي انت مجربها وتنصح فيها او سواق امين ويعرف الديرة زين ولي طلب اذا ما كان فيه احراج لك ولا بلاش منه وهو انك تعطيني رقم جوالك علشان اتصل عليك اذا بغيت مشورة عاجلة واشكرك على اهتمامك بالرد علي وتراك كفيت ووفيت
أخوك أبو يزيد

اشكر الاخ هشومي وفعلا هذي هي المعلومات التي نحتاج لمثلها لان البلد جديد علينا وما فيه اي معلومات عنه
اود ان اسأل عن الفيزا وعن افضل خطوط للوصول الى اديس ابابا

هلا فيك اخ هشومي وكيف حالك .
لا ادري لكن خلفيتي عن افريقيا انها بلاد حروب . ما رأيك ؟
تحياتي .

الله يعطيك ألف عافية أخوي هشومى , مشاركة متفردة وتجربة مميزة , وعلى حد علمي فإن أثيوبيا فيها استقرار أكبر بكثير من جاراتها سواء السودان أو الصومال , حيث إعتمد على هذه المعلومة من مصدرين , بداية : زيارة الأمير الوليد بن طلال لأديس أبابا وبحثه مع الرئيس الأثيوبي سبل الإستثمار في أثيوبيا خصوصا في المجال السياحي , وثانيا تجربة بروفيسور في جامعة الملك فهد حيث ذكر أن أثيوبيا بلد متطور وفنادقها لا تقارن بالموجودة في الدول المحيطة بها.....
تحياتي

يا هلا ويا مرحبا فيك اخي الكريم / هشومي
فرصه سعيده وتشرفنا بأطلالتك وانظمامك لهذا المنتدى الرائع الهادف .. حبيب قلبي

• اتمنى ان تعطينا علومك من لحظة ما طلعت من المطار .. لا ا .. اقولك : وش رايك من لحظة ما نويت تسافر وكذلك السبب الذي جعلك تختار اثيوبيا .. حتى رجعت بالسلامه .. بما تراه يناسب وقتك وظروفك .. لتعم الفائده ويتحقق الهدف فقد يكون بين ما تذكره اسئلة نكون غافلين عنها .. ونترك موضوع السؤال والجواب .. بعد ان تختم سالفتك .. ولا تنسى تذكر جميع العناوين والارقام والمواقع والروابط ان وجد .

مجرد رأي ....وش رايك
فبصراحه انا كذلك ناوي اسافر بعد اسبوعين اجازتي السنويه ولم اقرر بعد اتجاهي .. فكل ما نوينا نوضب الهاند باق .. يطلع لنا اما مرض دجاج ولا مرض ناموس ولا مرض من الهواء ... .
اسف طولتها عليك ... ولكن ترانا نستاهل
. تحياتي لك .

وانا مع رأي الجاسر اذا كان ذلك لا يزعجك

مشكور وما قصرت يا هشومي
ويعطيك ربي الف عافية