السلام عليكم ورحمة الله وبركاتة
بصراحة انا ممتنة كثير للمنتدى واعضائة وخبرائة ومشرفينة
لهم فضل كبير بعد الله في نجاح رحلتي الى سيرلانكا في شهر يوليو2012
افادوني بالكثير وماقصروو حتى السائق استغرب من معلوماتي ومعرفتي بكل شي بسيلان
والحين التخطيط جاري على تركيا الحلم الي اتمنى يتحقق وربي ييسرها ويبلغنا خير
بحثت بمواضيع كثيرة ومنتديات وحسيت ان تركيا كبيررة والواحد يحتار لوين يروح
رحتلي تقريبا بتكون من 14 يوم الى 15 يووم
وبما اني بروح باغسطس والجو صيف عندهم مابي المناطق الحارة
فحطيت ببالي هالجدول
3 اسطنبول
2تربزون
2 اوزنجول
2بورصة
2 ابانت
3 اسطنبول
واحترت بين ابانت وسابنجا ابي رايكم بالافضل والاجمل جو وطبيعة ومعيشة
من ناحية مطاعم نظافة رقي؟؟؟
ورايكم بالجدول وترتيبة واذا يحتاج تعديل ؟؟
ابي اعرف حاليا ترتيب جدولي واذا علية اضافة هذا المهم الحين
عشان الحجوزات وكمان ياليت تخدموني بالفنادق ضروري
ابي افضلها و5 نجوم واسعار معقول واطلالة وشوارع حية وجميلة السعر ودي
مايتعدى عن 500
الفنادق الي تنصحوني فيها في اسطنبول وهل الاسعار مقبولة في شارع تقسيم
وتربزون نوفتيل اكيد مره عجبني
اوزنجول محتارة اسكن فيها ولا لا وكيف اكواخها والسكن فيها
احترت من بعض التقارير ان ماينصحون السكن فيها وزيارتها فقط من الصباح الى المساء؟
ياليت تفيدوني بالسكن في اوزنجول وافضل الاكواخ واسعارهم
والفنادق في بورصة وابانت 5 نجوم
وتكلفة السفر الى تركيا انا وزوجي ورضيع مع التذاكر والسكن في5 نجوم والاكل
وتذاكر الدخول للاماكن السياحية لمدة اسبوعين كم تكلف تقريبا؟؟
بالنسبة للتنقل احجز سواق خااص معي من قبل اروح ويكون على طول معنا في اسطنبول
وبورصة وابانت ولا اتنقل بالمتروو والباصات بس زوجي مومقتنع يبي سواق خاص معنا بس
كيف التكلفة تقريبا؟؟
اوزنجول وطربزون ماحس نحتاج سواق ممكن ناخذ هناك باليومي؟؟
والسائق اليومي بيكون اقل تكلفة من لو حجزت سائق خاص من شركة سياحية؟؟
معليش اتمنى الفزعة والرد على استفساراتي باسرع وقت ممكن ودي احجز مبكر
عشان الاسعار تكون مناسبة واوفر الكثير..
ولو جى ببالي اي استفسار اخر اكيد مابتقصروون جزاكم الله خير
واي نصائح وافادة بكون شاكرة لكم