و عليكم السلام
سأقو بنقل استفساركم للبوابة المختصة
استفسارات بريطانيا
رحلة موفقة

وعليكم السلام ورحمة الله وبركاته
اخي الكريم تقصد داخل لندن الكبرى ام خارج لندن حدد
اذا داخل لندن من المعروف ان كل ماقربت للسنتر اكيد السعر بيكون اعلى اولا لتوفير الوقت والجهد في الوصول للاماكن السياحية والتسوق
يوجد مناطق قد تكون ارخص وجميلة كالكينغستون وشيلسي ولكن ستحتاجون لمواصلات
وان شاء الله الاخوان مايقصرون

بورنموث ، منطقة ساحلية جنوب لندن

الاخ فارس
مافهمت قصدك بلندن الكبرى ام خارج لندن
انا ابي منطقه سياحيه وحلوه وماتكون زحمه مثل لندن يعني ابي منطقه لحين ماعرفوها العرب وايد لكن فيها اماكن سياحيه وترفيهيه
لانك عارف انه شهر 6 و 7 لندن اتكون مزدحمه بالعرب يعني ماتحس انك مسافر
الاخ عبدالله
ممكن تعطيني معلومات عن المنطقه

برايتون حلوه منطقه ع البحر وفيها ملاهي بسيطه
تبعد عن لندن بالتاكسي ساعه ونص تقريباً ..
ماشفت فيها عرب كثير تقريباً البقالات بس مو كثير زي لندن ..
فيها اسواق شعبيه ومول اسمه تشرتشل سكوير
الشارع الي عليه المجمع للأسف مو متذكره اسمه لكن مليان مطاعم وكوفيهات كثيره
وشارع فيه حركه كثيره وناس رايحه وجايه ..
انبسطنا فيها لولا برودة الاجواء

مثل ما قال اخوي مشاري برايتون والمناطق الجنوبيه حلوه

تسلم اخوي مشاري
اقدر احصل معلومات اكثر عن المنطقه ولو عندك صور لها
وهل توجد مطاعم حلال ؟!
الاخ يوسف ممكن تذكر لي اسماء المناطق الجنوبيه ولو عند صور
واذا احد يقدر يعطيني اسماء الملاهي في المناطق واسماء المطاعم الحلال و الاماكن السياحيه اللي ممكن ازورها سوى حدائق او بحيرات او اي شي حلو .. في اي منطقه حتى لو لندن لاني ممكن اسكن في اي منطقه واروح لندن بالقطار لزياره الاماكن ..
والسموحه منكم ..

السلام عليكم
واسعد الله مساكم بكل خير
اخوي نور قطر اقصد ان لندن العاصمة نفسها كبيرة ومكونه من كذا منطقة علشان كذا سألتك تقصد لندن ( العاصمة) ام خارج لندن
لندن نفسها معروفه الاماكن السياحية فيها
وهذه بعض المواضيع التي تشرح الاماكن السياحية ومواقعها بالتفصيل :
https://artravelers.com/p/re/395938
وهذا تقريراختنا توبليرون فيه مانشيستر ولندن
https://artravelers.com/p/re/786651
وهذا https://artravelers.com/p/re/645656
كذلك المناطق الجميلة التي خارج لندن فكل منطقة تمتاز بشيء كمقاطعة البحيرات الليك ديستريك في الشمال وتمتاز بالجو الجميل والطبيعة الخلابة
وهناك مناطق تاريخية كيورك واكسفورد مدينة الجامعات
برمنجهام تمتاز ( فينيسيا بريطانيا ) الممرات المائية وهناك وندزور في الجنوب الغربي من لندن وقلعتها التاريخية ووجود ليغو لاند للاطفال بجانبها وش اعد وش اخلي جميع انجلترا جميلة من شمالها لجنوبها
برايتون والساحل الجنوبي وتلال الاخوات السبع السفن سسترز
هناك رحلات لبعض هذه المدن تنطلق من لندن نفسها والمكاتب المنظمة لها كثيره
تحديد نوع وطبيعة سياحتك يساعدنا في تحديد ماهي المناطق المميزة ومساعدتك بالحث عن معلومات عنها وطريقة الوصول لها
وبالخدمة مانقصر ان شاء الله باي استفسار
والله يحفظكم

الاخ فارس تسلم على الرد
في نقطه حبيت اوضحها انا الاخت ولست الاخ .
بخصوص نوعيه السياحه بغينا انزور مناطق طبيعيه وملاهي واسواق وبحيرات وحدائق
يعني بصراحه هاي اول زياره لنا لبريطانيا مانعرف وين انروح و وين الاماكن اللي ممكن انزورها
ومثل ماتعرف انه في الصيف لندن العاصمه نفسها اتكون مزدحمه بالعرب
وبما انها اول زياره لبريطانيا ودنا انزور اماكن حلوه وماتكون مزدحمه بالعرب يعني عشان انحس انه فعلاً سافرنا لدوله اوروبيه
ومايمنع من زياره بعض الاماكن الحلوه اللي في العاصمه لندن نفسها بالقطار لمده كم ساعه وبعدها نرجع للمنطقه السكن
واسفه على الاطاله ..