السلام عليكم ورحمه الله وبركاته
ان شاء الله ناوي اسافر لاندونيسيا مع العائله ( 3 كبار و 3 اطفال 9 و 8 و 5 سنوات )
وعندي كم استفسار ياليت جزاكم الله خير تفيدوني يا اهل الخبره علما النيه تاريخ السفر من 15 - 6 - 2012 قبل او بعده بكم يوم لاني لما الحين ماحجزت .. مده السفره 15 او 20 يوم حسب اقتراحاتكم
انا من الكويت ومثل ما قريت التقارير لابد اعمل فيزا من السفاره ..
1- ياليت تفيدوني بأفضل طيران من الكويت لاندونيسيا واذا توفرت الاسعار اكو شاكر (سعر تقريبي)

• بخصوص مصروف السفره ( هل اخذ معاي مبلغ كاش ولا متوفر عندهم مكينه السحب الالي واجهزة الصرف عن طريق الشبكه )

2- السفره اساسا والاهم لاطفالي يعني ابيهم يستمتعون العاب راحه استجمام وتسوق وسباحه (وهل متوفر اماكن خاصه لسباحه العائله .؟.
وين تنصحوني انزل لاني تهت بين العاصمه جاكرتا و شي اسمه الجبل وبين منطقه او جزيره بالي وشنو الفرق بينهم وهل يوجد مكان غيرهم ممتع للعائله ؟

• طريقه التنقل بين المناطق المقترحه هل بالسياره او بالطائره ؟

3 - اسعار الفلل وهل متوفره الخدمات بالفله والخصوصيه والامان ؟؟
4 - ممكن تفيدوني باسعار السواق باليوميه لاني احتاجه معاي ونوع سيارته هل انا ملزم ولا السائق يجيب سياره على طلبي و؟
5 - هل الشعب الاندونيسي لطيف بالتعامل والتفاهم باللغه العربيه ولا احتاج لغه انجليزيه ؟ وهل التعامل معاهم امن ولا محاولات النصب والاحتيال والاستغلال دارجه لديهم ؟
6 - اتمنى نفيدوني بخطه سهله بدون خيارات يعني كمثال السكن بالجبل ولا بالمنطقه الفلانيه و / اليوم الاول تروح للمكان الفلاني والمكان الفلاني والمطعم الفلاني . اليوم الثاني تروح للحديقه الفلانيه . / اليوم الثالث تروح للسباحه بالمكان الفلاني و و و و و ..
7- بخصوص الاجواء هل حاره او دافيه او بارده ؟
8- هل متوفر خدمه الانترنت باندونيسيا .. و خدمه شراء شريحه الجوال من المطار .؟؟ .. في الفلل هل استطيع تركيب شاحن الجوال بدون اضافه قطعه اضافه لفيش الكهرباء (بلاك او سيار) ؟؟
9- بنهايه السفره احب اتسوق وين تنصحون ..؟؟ هل يوجد اسواق للجمله او اسواق صينيه رخيصه ؟؟
اتمنى ان تضع نفسك مكاني وتخطط لنفسك اذا كنت من رواد اندونيسيا
اعتذر عن الاطاله لان لا يوجد عندي خلفيه نهائيا عن اندويسيا واود الاستمتاع مع العائله.
مقدما كل الشكر والتقدير وجزاكم الله الف خير