mzwd
12-10-2022 - 09:43 pm
ان شاءالله قررت السفر لسويسرا هالسنه و لأن رمضان راح يكون بشهر اغسطس راح اخلي السفر بعد عيد الفطر و راح تكون تفاصيل السفر كالآتي:-
1- الذهاب على الخطوط الجوية الكويت (الكويت - ترانزيت فرانكفورت - جنيف)
2-السكن في لوزان (ليلتين) (هل يفضل السكن فيها ام في جنيف؟ لأني سمعت ان جنيف اغلى بالسكن) نفكر في الذهاب لأنسي
3-الانتقال لانترلاكن (ليلتين)
4-الذهاب لباريس بالقطار
5-بالنسبه لباريس عندي خبره كافيه فيها لأني زرتها مرتين من قبل
6-العوده للكويت على الخطوط القطريه (باريس-ترازيت الدوحه- الكويت)
طبعا افكر بتأجير سياره في سويسرا لمرونه الذهاب و العوده لأي مكان على راحتنا (هل تعتبر السياره اوفر ام السويس باس؟)
اتمنى تعطوني آرائكم و خصوصا اني مال لقيت مواضيع وافيه لمنطقه لوزان على عكس انترلاكن الي مواضيعها كافيه ووافيه
اول شي تروح وترجع بالسلامة .. رحلة سعيده يارب
المخطط روعه والسكن ما يفرق كثير بالسعر
بخصوص انسي ومن وجهة نظري .. تستاهل تكون المدينة الرئيسية وزيارة جنيف منها لانها قريبه حيل
من انسي .. انسي مدينة رايقة وشعبها جداً طيب ( ينافسون الطليان بالطيبه :02yju: ) والجلسة الفرنسية بتعيشها على
اصولها في انسي ..
قبل فترة قريبة كنت في جولة اوربية ومستاجر السيارة من سيكست لوجانو
داخل سويسرا التاكس فري ولكن بره سويسرا تدفع التاكس رود
اخوي نصيحه اذا كنت تبي تحجز سيارة احجز من النت او من اي فرع من فروع شركات التاجير العالمية من داخل
بلدك قبل لا تسافر لان الكيلوات مفتوحه ولكن اذا بتحجز من هناك راح تكون الكيلوات محدوده
الذهاب لباريس بالقطار تقدر من جنيف وتقدر من انسي
محطة القطار في انسي ملاصقة لفندق النوفيتيل وتمر من تحت الفندق .. سعر الشخص الواحد 69 يورو ذهاب
و69 يورو عودة
بالنسبة لانترلاكن يومين اشوفها شوي .. لان ثون و بيرنز تستاهل كل وحده منهم اكثر من يوم خصوصا
ثون .. وزيورخ قريبه بعد
.. انترلاكن حاول تسكن في افضل الفنادق مثل فيكتوريا ومتروبول
ولا تفكر تسكن في فندق اسمه سنترال كونتيننتال !! ..
اي استفسار ثاني تحت امرك