- الرحله مفروض تكون لمده اسبوع بسبب قلة الفلوس بس مادري .. ؟؟
السلام عليكم
شخباركم
انا في كل مره اسجل بأسم جديد مادري شحالتي والله
وللأمانه انا مو متابعه لان قلبي يعورني من التقارير خصوصا اللي يوفرون ويروحون رحلات حلوه وطويله بأقل التكاليف !! ماشاء الله
بس لما نتناقش عن سفره وننوي ادش واقرا واقر واخرتها زوجي يكنسل
والسبب.. احس الفلوس ماتكفي !!
مشكله زوجي خواف ومايحب يجرب كل شي وخصوصا ان رحله معاي انا زوجته والحين صار عندنا بنوته بعد ربي يحفظهاا ويحاتي اكثر ,, انا مالومه بس يعني الواحد وده يغير جو ..
واقوله دش هالمنتدى واقراا كلام الناس ورحلاتهم وطريقه التوفير بس مايحب يقراا ولين اقوله مايقتنع !!
المهم مابي اطول عليكم
هاليومين الناس هابه بتركياا
مع ان موسم الربيع تقريبا انتهى بس ودي والهوى ضدي
بالبدايه اقتنع ريلي بالرحله وبعدين كنسل ..
انا جيكت رحلات الطيران تقريبا اسعارهم متقاربه من 148 لي 180 وشووي ..
القطريه - التركيه - طيران الخليج وغيرهم ....
ولشخصين على الطيران التركي لنهايه شهر مارس 292 دينار بحريني
اما الفنادق انا اهم شي عندي تكون نظيفه ومفارشها بيضه ههه لاني اوسوس .. والاهم الموقع ,,
الرحله مفروض تكون لمده اسبوع بسبب قلة الفلوس بس مادري .. ؟؟
غير هالشي .. عندنا عرض من مكتب سفريات للشخص الواحد 222 دينار بحريني (تذكره + سكن) لمده 5 ايام وكل يوم زياده ازيد 15 دينار .. بالحساب لمده 6 ليالي (7 ايام) سعر 504 دينار لشخصين والرحله لأسطنبول ويوم يودونه هم بورصه من الصبح لي العصر .. كنت حاسبتها على جذي بسبعد القراءات بما ان سعر التذكر رخيص احس اقدر ارتب فنادق بمبلغ اقل او تقولون العرض حلو ومايسوى اتعب روحي بما انه جاهزز ؟
شي ثاني .. يوميا كم المصروف تقريبا ؟؟
انا رتبت على 100 دينار يوميا بيني وبين زوجي وهو يقولي يمكن ماتكفي لان ناس قالوا له تركيا غاليه ..
وعلى حسب المواضيع المفروض اليوم الواحد مايكلف هالمبلغ !!
انا احسبها للمواصلات وزياره الاماكن الترفيهيه مثل المتاحف والمساجد ومابكثر منها لان ابي اشوف الطبيعه وميته ابي اروح للثلج في بورصه اهم شي ..
التكاسي غاليه .. والمتروو اسرع وارخص وعادي استعمل الباصات مافي مشكله والتكسي للضروره فقط
والمناطق البعيده شوي يا ميتروو يا بواخر والسفن .. للحين مارتبت برنامج لان هو احبطني وكنسل السفره
وانا اقول نصلي استخاره اذ ربي اراد نروح بنروح ..
من بعد الله طالبه مشورتكم ..
للعلم المبلغ كامل 1200 دينار
(( 12000 )) ريال سعودي يشمل التذاكر والسكن وكل شي ..
تكفي ولا اقول على الدنيا السلام ؟؟
او تقترحون علي زياره دوله من دول اسيا بما انها رخيصه
مع ان بخاطري اروح تركيا للثلج بس الاهم عندي تغيير جوو شووي
(( معانا بنتي عمرها سنه و 4 شهور ))
والتذاكر ماتزيد عن الف ونص لو راحت منها 4 الالف تذاكر
الثمنيه الباقيه باذن الله تكفيكم بس لو اتصرفتو بحكمه
حطي حد للسكن مايزيد عن 500 ريال في اليوم يعني 6 ايام ب3000
0تكفيكم مصروف ومواصلات عامه ومتاحف باذن الله بس حركو رجولكم وامشو
الجو هناك يساعد على المشي اصلا لاتشيلو همه
يارب تتيسر سفرتك وتنبسطي فوق ماتتخيلي