نونو
28-04-2022 - 11:33 pm
السلام عليكم
حنا مسافرين لماليزيا بعد اسبوع ان شاء الله ولين اللحين محتارين في السكن وطبعا احنا نبي شقق لاننا عائله
رحنا لمكتبين المكتب الاول يمدح لنا هوليدي فيلا في كولالمبور وبردياس في بينانغ
والمكتب الثاني يقول لنا مايعرف شي عن هوليدي فيلا مع ان الموضف يقول انه رايح لمالزيا خمس مرات وعمره ماقد سمه بهوليدي فيلا اما بردياس فيقول انه مو لذيك الدرجه ورشح لنا في بينانغ فندق فيبيوبيتش(اعتقد هذا اسمه) وفي كولالمبور رشح لنا سنترا وكراون ريجنسي
واحنا كذا محتارين ماندري وش ناخذ
وابي فزعتكم اي احد يعرف اي معلومه عن وحده من هالشقق او كلهم لا يبخل علينا فيها وخصوصا موقع الشقق وقربها وبعدها عن البرجين التوام ومستوى النظافه لان لازم نرد على المكتب بكره وندفع لهم عربون
وانا لكم من الشاكرين
حياك الله اخوي ونورت المنتدى .
هوليدي فيلا يا اخوي بعيد عن قلب العاصمة قريب 35 دقيقة
وهي في منطقة تسمى سوبانغ ...وبارادايس ماهو قريب من شاطيء
باتو فرنجي ولا عليه ...مسافة شوي ولاباس في الاثنين من حيث
النظافة والخدمة .
بي قيو اللي قي بينانغ تراه ممتاز وفندق مختلف عليه هل هو 4 او 5
نجوم لكنه ممتاز وما يحتاج ويطل على شاطيء باتو فرنجي وقريب من
السوق الليلي والشارع اللي يتكلمون فيه الاخوان في هالمنتدى .
اما بخصوص ريجنسي وسنترا ترى الاثنين مستواهم طيب مع انه ريجنسي
افخم الا اني ما انصحك تسكن فيه لانه شارعه من اسوء الشوارع في كوالا
ويطل على شارع كله بارات ودسكو وليله اغلبه سكارى ومشاكل يعني خطير
يا اخوي ...اجل خذ في سنترا رغم انه اقل من ريجنسي الا انه طيب ولا باس فيه
وموقعه حلو ونظيف وقريب من البرجين يعني كعابي في حدود 10 دقائق .
ان شاء الله اخوي اكون افدت ووضحت وتروحون وترجعون بالسلامة .
والسلام عليكم