توتي الحلوه
23-09-2022 - 07:29 pm
بسم الله الرحمن الرحيم
السلام عليكم ورحمة الله وبركاتهاخباركم اعضاء منتدى العرب المسافرون عامه وبوابة تركيا خاصه
انا إن شاء الله ناوية اسافر انا وزوجي لتركيا ورحلتنا ب 25/6/2013
قبل كل شي اللي حاليا بتركيا ايش ينصحوننا بخصوص الاوضاع
اما تخطيطنا للرحله
بنجلس فيها 7ايام
يومين باسنطنبول
بعدين ثلاث ايام بطرابزون وحابه نمر ع اوزنجول
بعدين نرجع يومين لاسطنبول
صراحه مادري كيف احط جدول للاماكن اللي حابه ازورها ولا اني عارفه كيف طريقة الوصول لها لاني قريت فيه اماكن رحلات بحريه نروح لها من اسطنبول
الطيران الداخلي لطرابزون حجزناه
قلت مالي الا اقولكم الاماكن اللي حابه اروح لها واستفساراتي لها وتجدولونها لي الله يعافيكم
باسطنبول حابه اروح
لمسجد السلطان احمد وايا صوفيا والقرن الذهبي اللي فيه السوق المصري والبهارات
وحابه احط يوم كامل لفايلاند مدينة الملاهي
امم مجمع واحد ازوره عندهم
وجزيرة الاميرات واذا كان فيه قريب لسلطان احمد مقاهي تركيه واسواق شعبيه لهم وميدان تقسيم اذا صار مافيه مشاكل طبعا بوقت سفرتنا
ياليت الاماكن القريبه لبعض تحطونها لي بيوم واحد
اما طرابزون واوزنجول هذي اللي قريت عنها انه يا يستأجر سياره زوجي او سواق ونتنقل للاماكن والبحيرات والقرى فيها .. في شي او امكان فيها تنصحوني فيه
بس اسألتني عنها كم تكلف استئجار السياره وايهم ارخص السواق او استئجارها وانا سمعت تكلفة اسخراج رخصه من عندهم حول الف ريال هل صحيح
والشي الثاني فيه بطرابزون واوزنجول محلات تأجر اغراض الشوي وتوابعه
وايش اخذ معي غير الفرشه الخفيفه ومعدات القهوه السعوديه والشاهي ..
وكيف حماماتهم تكرمون هناك مثل اوروبا ولا اشتري الرشاش حق السفر والرحلات
وكيف الجو هناك بالوقت برد ولا عادي
بالنسبه لنا حاطين ميزانيه 4500تقريبا لتمشي والاكل لاني شايله من بالي التسوق لانها غاليه من غير الطيران وحجوزات الفندق
الله يعافيكم ساعدوني بالجدول وكل يوم وايش وسيلة التنقل المستخدمه
واخيرا النصايح اللي تنصحوننا بالسفره
يارب تساعدوني ولكم مني خالص الدعاء
بالنسبه لأسطنبول السكن في السلطان احمد وتجدون قربه اسواق شعبيه
ومطاعم جسر غلاطه .
جزيرة الاميرات : نظرا لقصر مدة اقامتكم ما تسوى جزيرة الاميرات
راح تاخذ منكم نصف يوم ومولذيك الدرجه .. ممكن جولات البسفور تغنيكم ساعه ونصف .
وينصح بالأبتعاد عن تقسيم والاستقلال .
المولات : فوروم واستينا بارك أو جواهر مول
في طرابزون لأسئجار سياره :
يلزم بطاقة فيزا تسوق
أو فيزا أو ماستر كارد
و رخصة قياده حديثه .
وفكرة رخصه من طرابزون تكللف الف ريال غير صحيحه بتاتا .
تستأجر السياره من مطار طرابزون وتكون ديزل وتكللف من 85 ليره وتصل الى 115 ليره
على حسب الموديل والجوده والطلب والعرض .
وتستطيعون الحجز المسبق أون لاين للسياره .
المحلات لتأجير عدة شوي او طبخ في أوزنجول تجدونها قرب المسجد البقالات الصغيره
عند مدخل البحيره عاليمين ويأخذو مبلغ تأمين يرجع لكم عند التسليم .
بالنسبه لدورات المياه .. الله يعزكم .. تحتاج الى شطاف متنقل .
ومبلغ 4500 يكفي بأذن الله .. ولو دخلتوا أي مطعم قارنو السعر في المنيو مع ما يتناسب
معكم قبل الطلب دون النظر اليه .
الأجواء روعه وفي الليل تميل قليلا للبروده .
رحله سعيده .