نشر في تايلاند

ابي مساعدتكم ضروري بسرعة عن فنادق بوكيت

وميض الأمل

12-07-2022 - 09:17 am

بالنسبة لفنادق بوكيت صراحة انجنيت مادري شختار....

السلام عليكم
حبيت آخذ مساعدتكم ضروري بخصوص هذي الفنادق لأني انظم رحلة شهر العسل لأختي الشهر الجاي وهي معتمدة علي بكل شي على اساس ان لي بارض في سوالف السفر ومابي أتفشل...

بالنسبة لفنادق بوكيت صراحة انجنيت مادري شختار....

بما ان رحلتها بتكون ماليزيا وتايلاند فانا اخترت لها فندق مطل على البحر بلنكاوي اللي هو برجايا وبيكون شاليه مطل على البحر بس في بوكيت مادري شسوي...اعرف ان احسن شاطيء هو الباتونغ ...شفت الهوليدي ان موقعه اوكي بس اسعاره غالية بالخصوص ان 11 هاي سيزون ..وحسيت ان فيه فنادق احسن منه وبمميزات افضل وارخص...حبيت غرفة تكون متصلة ببركة سباحة مباشرة وعجبتني اللي بفندق بانثاي بيج ريسورت بس مادري ايش صار فيني مرة وحدة حسيت الفندق مب ذاك الزود وناس يحسبونه 3 نجوم بصراحة ترددت مع انه موقعه روعة والغرفة حلوة....وعن اماري كورال يقولون انه متعب بسبب انه مرتفع وانه شوي بعيد عن الباتونغ يعني مو وسطه وغرفه مطلة على البحر يعني مافي فرق بينه وبين الفندق اللي في لنكاوي من ناحية الغرف المطلة على البحر...مادري لازم بكرة نروح المكتب ونعطيهم القرار الأخير ونحجز ...في وحدة قالت لي عن ميرلين باتونغ قريب من الهوليدي وشفت صوره حلوة حتى ان فيه بلكون بكل الغرف ...بس للحين مادري شسوي ...ويش تنصحوني بليز ردوا علي في أسرع وقت....عنكم فنادق غير ماراح اندم عليها وتبيض الوجه وقريبة من الشاطيء والخدمات وكل شي ومناظرها حلوة ونظيقة وافطارهم روعة غير اللي قلته ؟؟ اوه لاتنسون السعر يعني يكون في الوسط....

التعليقات (9)

bigbin609

12-07-2022 - 12:37 pm

وميض الأمل
السلام عليكم
اولا :- الف مبروك
ثانيا :- بالنسبة لفندق برجايا بيتش خوش فندق بشرط ان يكون علي الشاطئ واللي علي الشاطئ كله سويت مو غرف عاديه وغالي حيل انا سكنت بهالفندق قبل سنتين واذا في مجال تغير اخذ بيلانجي بيتش احسن منه بألف مره ..
ثالثا:- بالنسبة لبوكت انصحك بالبوتنغ بيتش انصحك بكذا فندق الهيولدي ان بس غالي تارا بيتش خوش فندق انا راح احجز فيه لانه نصحني فيه واحد من الشبابومجرب وكل شي يكون قريب عندك جميع الخدمات .
وبالتوفيق .

NOONE-33400

12-07-2022 - 01:38 pm

السلام عليكم
اخوي اذا حبيت فندق الهولدي ان مكانه مره حلو لكن اعطيك معلومه ان الاسعار في فوكت مرتفعه عن باقي المدن واذا حبيت فندق عندك فندق كوالتي ريزلت (بينه وبين البيتش سكه) وجمبو كل الخدمات
هوا سعره يعتبر غالي بالنسبه لشكله لكن افضل ما تاخد مكان بعيد بسعر غالي جدا
وبالتوفيق

وميض الأمل

12-07-2022 - 02:39 pm

مشكور على الرد...بس بخصوص فندق بيلانجي في لانكاوي انا نصحت اختي فيه بس هي مارضت بسبب اللي قرأنا هني عن الفندق...يعني لدرجة ان سموه فندق ابو الدود والحشرات...اختي تخاف من الحشرات والوزغ وتلوع جبدها هالأشياء يعني خافت من الفندق كلش...واقتنعت ببرجايا...بس انت تقول ان احسن منه بالف مرة يعني من أي ناحية؟؟؟اذا على الموقع مو مشكلة بس شي ثاني يمكن تصير مشكلة...
وبالنسبة للهوليدي ان ببوكيت مادري بس قارنته بالفنادق الباقي وشفته كلش عادي وسعره غالي وانا مااقصد سعره غالي يعني مانقدر عليه بس اقصد ان في فنادق لها نفس الميزات وارخص.......اكيد الناس وايد تغرهم الأسماء المشهورة وأكيد في فنادق ثانية لها ميزات أحسن بس لان اسمها مو مشهور محد يعرفها...عشان جذي أحس بالترد ومادري شسوي....

حسين اليامي

12-07-2022 - 03:40 pm

مساء الخير اخوي وميض الامل
فيه فندق سكنت فيه قبل يومين la floura حلو جدا سويتات وغرف سكنت بسويت بسعر400 ريال الحجز من الفندق مباشره يمكن اذا حجزت من النت يكون ارخص مافيه مسبح داخلي مثل ماقلت بس الفندق جديد ووسط الباتونق بيتش حلو جدا ونظيف مره وجبة الافطار فيه حلوه مرره وجنبه ستار بوكس وماكدونالز وقريب منه مطعم دبي وعلي بابا
ومطعم هندي حلال اوصيكم فيه يجنن الاكل فيه tan tara من وجهة نظري حلو جدا من ناحية الموقع احسن من الهولدي ان لانه بوسط الباتونج وعلى الشاطي مباشره ولامر في لاول ولاخير راجع لك

Q8TAUB

12-07-2022 - 04:41 pm

انا سكنت في هوليدي ان 5 ليالي للعائلات الذين لديهم اطفال ممتاز
وايضا سكنت في غريس لاند 5 ليالي للمعاريس ممتاز جدا جدا جدا واسعارة جدا ممتازه انصح به خصوصا غرف الديلوكس او سويت وللعلم زوجتي استمتعت فيها اكثر فندق وخصوصا المساج اللي عندهم ممتاز
وايضا سكنت في لي مريديان للمعاريس ممتاز ولكن بعيد وهذا عيبه

بحر الصمت

12-07-2022 - 05:42 pm

بالباتونغ بيتش افخم شي الهوليدي وموقعه روعه قريب من كل شي
وجنبه كان كوت يارد ماريوت بس الصيف الماضي مافتح شيكي اذا فتح الان او لا
جريس لاند حلو لكن موقعه بعيد شوي عن المطاعم والسنتر
واذا هم معاريس افضل شي شاطى كارون بيتش روعه وهادي ورمنسي جدا ومنتجعاته افخم من الباتونغ
مثل الموفنبيك روعه وفيه فلل بمسابح خاصه وبعد الهيلتون
او المريديان بين الكارون والباتونغ
او بنيان تري بس غالي شوي الخيارات ببوكت كثيره وشواطئهاكثيره صحيح ان الباتونغ هو اللي فيه كل شي متوفر بس هم معاريس وشهر عسل واكيد يفضلون الهدوء والرمانسيه والباتونغ بالتوك توك او التاكسي نفس السعر يوديهم متى مابغوا وبعض الفنادق توفر باصات تروح للباتونغ باستمرار

thai_2005

12-07-2022 - 06:43 pm

وميض الأمل
1-Burasari Resort, Phuket, Patong Beach
2-Duangjitt Resort & Spa, Phuket, Patong Beach
3-La Flora Resort Patong, Phuket, Thailand
4-Patong Bay Garden Resort, Patong Beach, Phuket
5-Patong Beach Hotel, Phuket, Thailand

Q8TAUB

12-07-2022 - 07:44 pm

3- علي بحر بالقرب من فندق الألعاب اطفال مجانا ( دوارف وغيرها )

Q8TAUB
اخواني
مميزات غريس لاند كثيرة بصراحه
1- موقعه بالقرب شديد علي بحر اكثر من هوليدي ان واحسن من لي مريديان
2- بجانبه مقبره مسلمين وتجد بالليل نساء تايلنديات ورجال مسلمون يطبخون علي عربانات اسماك وربيان وغيرها باسعار زهيده وطعامهم لذيذ

3- علي بحر بالقرب من فندق الألعاب اطفال مجانا ( دوارف وغيرها )

4- يوجد باص كبير ومجانا ينقلك الي وسط المدينه والي مجمعات الكبيرة في بوكيت مثل بيج سي وفيسفتال سيتي ويرجعك الي فندق وايضا ممكن ان ينقلك الي مدينه العاب مسدسات بعد ان تعطي سائق مبلغ بسيط اكراميه 20 بات , ركوب باص ممتع جدا للعلم باص كبير ومكشوف وايضا يفتر بك حول بوكت مجانا (( انا استفدت منه كثيرا ))
5-حمام سباحه لديه 9 حمامات أجمل من هوليدي ان
6- لايوجد عليهم زحمه
7- طعام افطار ممتاز اكثر من هوليدي ان
8 -اللوبي فندق مكيف احسن من هوليدي ان ولي مريديان
9- حديقه كبيره جدا ممكن اللعب بها اي شي
10- سيرفس في فندق افضل من هوليدي ان ولي مريديان (من نظافه و غيرها )
1- علي البحر يوجد نشاطات جميله
12- بعيده عن ..........................................
13- لها مدخلين
14- يوزعون فوط مجانا لك لكي تذهب الي رحله بحريه بشرط انك ترجعها
15- حمامات اعزكم الله في اللوبي وغيرها مناسبه للمسلمين افضل من جميع الفنادق سالفه الذكر
وسامحوني علي القصور ولكن هذا اللي يحضرني كتبته وعلي عجاله

وردة الهيل

12-07-2022 - 08:45 pm

انا سكنت بالمريديان بعيد عن الازعاج والزحمه والشاطئ قليل السياح عنده

تايلاند المسافرون العرب

ابي مساعدتكم ضروري بسرعة عن فنادق بوكيت

بالنسبة لفنادق بوكيت صراحة انجنيت مادري شختار....

3- علي بحر بالقرب من فندق الألعاب اطفال مجانا ( دوارف وغيرها )