االسلام عليكوم
حبيبي شريحة الجوال تلقاها بالسوبرماركت بالعربي يعني بالبقالات واحسن شريحه ون تو كول ولو تشحنها 100 ريال راح اطول معاك ومكالمتهم رخييصه حييل ,,
بالنسبه حق حجز الرحلات والفنادق عليك بوحده اسمها ماما نوي عجوز تلقاها بمطار بوكيت او وحده اسمها بووم اسعارها حلوه بس مايمنع انك تكاسرها ديره لابد تكاسر كل شي واسعار الرحلات ياطويل العمر بي بي ايلاند 1000 الى 1200
جيمس بوند مثل الشي بعد رحلة الرفاتنغ 1100 تقريبا فنتازي 1400 الى 1700 لاتحااتي شي لما تروح هناك راح تفهم الوضع بسرعه انا مثلك اول ماسافرت كنت خايف اضييع وماعرف شي بس بعدين شفت الوضع طبيعي وسهالات
اما بالنسبه للصرف ماعندي علم والله انا صرفت باتات من الكويت ومشيت مابي ادوخ نفسي
وبخصوص التكاسي تقريبا ياخذون عليك 500 بات

يعطيك العافيه عزيزي هالو بوكيت ..
معلوماتك جداً حلوه وأستفدت منها كثير
ليت أحد يفيدني عن الصرف الله يعافيكم ..
وبعد ابي ارقام سواقين ثقه ياليت يتكلمون عربي اذا احد يعرف ...

رحلة موفقة أخوي..
وهاي ارقام سواقين ذكرهم أخوي الحوسني جزاه الله خير بموضوع له,,
وهذا رابط الطرح
https://artravelers.com/p/re/390046

من ناحية الصرف اخوي
اصرف 100 دولار فقط من مطار بانكوك بات حق التاكسي
ولمن توصل لبانكوك حاول تروح لمنطقه العرب نانا واصرف من هناك احسن وافضل
بس حاول تكون الدولارات جديده وغير معطوفه واصرف كل يوم من الدولارات
على حسب حاجتك ... وسلامة قلبك

تسلم عزيزي ألحان عمان
تسلم عزيزي الحنون
سؤال كمصروف يومي لشخصين غير الفنادق
يعني (تكاسي + رحلة سياحية + عشاء ) هل تكفي 100 دولار تقريبا ؟

نعم تكفي اذا حق شخص لو قلنا 100 دولار تقريبا 3200
0للرحله
التكاسي نقول 500
العشا اذا تبي وجبات سريعه حدود 150 الى 200 بات
تكفي وتزيد بعد

حق شخص !!!!
لا قصدي حق شخصين
والله حاط في بالي 100 دولار تكفيني أنا وزوجتي ؟؟
وش رايك عزيزي

غلطان اخوي انت مسافر لازم تبحبها شوي اكسر الكاشيه,, دامك مسافر ويا زوجتك ماراح تكفي اذا بتروح رحله وبتغدا وبتعشى وتشتري حاجيات وتوصيل تكاسي ماراح تكفي وبالتوفيق ان شاءالله