السلام عليكم ورحمة الله وبركاته
اشكر كل من وضع تقارير سابقه واللي بصراحه انا وضعت خطتي هذي من خلال بعض التقارير
وبعض الردود وبعض الافكار
باختصار الرحله راح تكون باذن الله يوم 13 جولاي والعوده 5 اوغسطس
يعني تقريبا 23 يوم باذن الله
معي اثنين وانا الثالث قررنا السفر تجربه طياره اوربيه داخليه بين باريس وبرشلونه ثم استئجار سيارة الى نهاية الرحله
وهذا خط السير
الرياض ===> باريس (طيارة)
باريس ===> برشلونه (طياره خطوط اوربيه )
برشلونة ===> مرسيليا (استئجار سياره من برشلونة لنهاية الرحلة وتسليم السيارة في ميلان)
مرسيليا ===> آنسي الفرنسية ===> جنيف ===> لوزين ===> انترلاكن ===> رست الالمانية
رست الالمانية ===> زيورخ ===> ميونخ الالمانية ===> قارمش الالمانية ===> لوقانو السويسرية ===>ميلان
عندي استفسارات ياليت ياشباب واهل الخبره مايقصرون
1- ابي توزيع الايام المناسب لكل مدينه يعني كم اقعد في كل مدينه وجهات نظركم ك خبراء؟؟
2- هل فيه مدينه على نفس الطريق تشوفون اني تعديتها ومازرتها في الخط ؟؟ اذا فيها ياليت تذكرها واهم شيء فيها من مناطق سياحية
3- استئجار السياره في اوروبا وخصوصا برشلونه وتسليمها في مدينة ثانيه (ابي ارخص شيء والطريقه من المواقع )
4- واذا فيه احد يعرف شقق فندقيه جيده جدا ومناسبه وبسعر كويس ياليت يسدح الرابط من بوكينج
5- واللي عنده أي فكره او اقتراح اتمنى مايبخل علينا
انا مادخلت هنا الا ابي الفايدة منكم
والا حرمكم الاجر
وهذا رابط خط السير لرحلتي من قوقل ماب
ومثل ماتشوفون حبايبي ان السياره مرسومه بتنطلق من مرسيليا
ولكن هي بتنطلق من برشلونه
عدد الكيلوات = 2200 كيلو خلال كامل الرحله بالسياره
على حسب الخط هذا اذا ماتغير شيء من افكاركم
بانتظار ارائكم وردودكم وتفاعلكم على احمر من الجمر