و ع فكره انا مرتبه لكل شي بس موقع السكن ما ادل اخاف يكون بعيد عن المولات...
جدولنا بيكون ان شاء الله...لمدة 4ايام من السبت الى الثلاثاء
لو يكون الفندق قريب الستي احلى
الستي سنتر...وسنتر بوينت تويز ار اص...بنتي تبي تشوف براتز الكبيره ههه
اليوم الثاني لاند مارك....
اليوم الثالث فيلاجيو× و حياة بلازا
اليوم الرابع سوق واقف
شرايكم في الجدول بما اني ما ادري شو الاقرب
بس اللي اعرفه انه فلاجيو والحياة بلازا قراب من بعض...
وما عندي مانع لو تعدلون لي الجدول حسب الترتيب والطريق
والسموحه

مرحبا فيك اختي ف بلادك ال2 مقدما (-:
انا مااقدر افيدك ف موضوع الشقق لان ماعندي اي خبره
بس المولات الستي والاند مارك جنب بعض والاند صغير يعني مارح تطولين فيه
انصحك بزيارة اللولوه مع انها هالايام حر خساره ماجيتي قبل بشوي بس المكان روعه

في شقق فندقيه بجنب الستي سنتر
اسمها شقق سمرست الدوحه
اسعار الصيف من الفندق مباشرة للشقة غرفتين نوم -1125 ريال قطري
للشقة 3 غرف نوم -1525 ريال قطري
وأكيد من النت يكون ارخص
شوفي سعره من موقع فندق.كوم http://www.fendeq.com/index.php اسعاره ارخص
وبعد هاذا موقع شقق سمرست الدوحه http://www.somerset.com/qatar/doha/somerset_west_bay.html
وبنسبه الي الترتيب ممتاز وأتمنالكم رحله سعيده في بلادكم الثاني قطر واي خدمه احنا حاضرين

بنسبة لشقق لا تحاتين
والدوحه صغيره يعني لا اتحاتين من ناحية المسافه
عندج شقق الدوحه غراند حلوة وفي منقطة السد عن اشاراترماده وقريبه من كل شي
عندج شقق رتاج الشرق عند منطقة الستي سنتر
عندج شقق السراج ان في نهاية الكورنيش
كلهم حلوين وبتحصلين فوق في موضوع عن الشقق ممكن تستفيدين منه
وبنسبة للمجمعات ممكن اتخلين سنتر بوينت مع الرويال بلازه لانهم بنفس المنطقة ومع تويزر ارص
اما الستي خليله يوم كامل وبليل اطلعي تمشي في سوق واقف لان حلاته بليل
وبنسبة لفيلاجيو والحياة بلازا فهم قريبين من بعظ وممكن اتمشون في جديقة سباير
وعنكم الكورنيش ممكن اتوقفون واتمشون وممكن تاخذون قارب وياخذ فيكم لفة على البحر
وعندكم متحف الفن الاسلامي لو تبون اتزورونه بس روحوله قبل الساعه 5 المغرب
وممكن اتروحون لحديقة الحيوان وهي قريبه من فيلاجيو والحياة بلازة وممكن اتخلونها معاهم
والاند مارك حلو وممكن اتروحون معاه مجمع المول وبعدها اتروحون سوق واقف بليل اتمشون فيه
وانتي تقدرين اترتبين الجدول الي يريحج
واي استفسار احنا تحت امرج