اهلا وسهلا فيك اختي ...
بما ان مدتكم قصيره جدا .. فأنا وبصراحه مانصحكم بهذا البرنامج .. لانكم بكذا ماتعطون كل مدينه حقها ماراح تستمتعون وبتتعبون من التنقلات
نصيحتي لكم يكون البرنامج كالتالي :
يومين اسطنبول
يوم يلوا
يوم بورصا
3 ايام اسطنبول
بكذا تستمتعون في اسطنبول وتشوفون معالمها .. اما يلوا وبورصه فاحرصوا على زياره اهم الاماكن واشهرها ..
وابانت باردة جدا في هذه الايام ,,
وانصحك ايضا بالاطلاع على موضوع ( برامج مقترحه ... ) مثبت بقسم الاستفسارات
وبالتوفيق لكم ان شاء الله ,,

وانا مع مشرفتنا وخبيرتنا بالرأي كنسلي ابانت لان طريجها 4 ساعات رايح و4 جاي يعني كلش ماتسوى يوم واحد العنوة لها وبعدين انصح بالتالي
يومين اسطنبول
3 بورصة ومنها تروحين من الصبح الى يلوا لان بينها وبين بورصة ساعة طريج عشان ماتكثرين تنقل وبعدين تردين يومين اسطنبول
ولازم تجربين الشورما الي بزفير مول ببورصة عجيبة والكفته ببورصة طعم ثاني
واي سؤال حاضرين ولاتنسينا بتقرير مثلج من تركيا وبالسلامة ان شاء الله

مشكورين على الرد وماقصرتوا
بصراحة وايد حيرانه مادري اشلون ارتب البرنامج ومثل ماكتبت انه مكتب سياحي ارسلنا هالبرنامج من تركيا ومن اشوي متصل يسال عن راينا
هو مرسل الاسعار كلها حتى تكلفة التنقلات والسياره وغيره
يعني اقامة الفنادق والتنقل طلع تقريبا ب 10 الف ريال
هذا من غير التذاكر
هل ابانت تستحق المبيت فيها
انا شفت الفندق خمس نجوم على البحيره المكان روعه
شو رايكم
مو وايد وله عادي اشوي بالنسبة للبرنامج اللي وضحته فوق
تحياتي لكم

عزيزتي بالنسبة للفنادق على حسب انتوا كم عددكم ؟؟
يعني اذا كانت الفنادق كلها 5 نجوم و كنتوا تحتاجون الى غرفتين او اكثر .. بالاضافة الى المواصلات فاعتقد ان السعر مناسب
وايضا برنامج اختي اوزنجول التركيه جميل
لكن ابانت مااعتقد ان الوقت يسمح بزيارتها .. ومثل ماذكرت اختي اوزنجول التركيه .. الطريق لها طويل

خواتي احنا شخصين انا وزوجي
يعني ابي اخذ رايكم
يومين اسطنبول - ويومين بورصة - ويوم يلوا - ويومين اسطنبول
شو رايكم

صج اي توزيع قصدك اللي كنسلت فيه ابانت وله شو
خذت براي الاخوات وماقصروا
توني ارسلت ايميل لصاحب المكتب يغير البرنامج فبشوف شو بيصير
يومين اسطنبول
ثم الذهاب الى بورصة ثلاث ايام ةالتنقل الى يلو يوم كامل والعودة الى بورصة ثم العودة الى اسطنبول على الاقل ثلاث ايام... شو رايكم

اختي برنامجكم الاخير ممتاز وحلو ..
لكن اعتقد ان 10 الاف ريال على سكن ومواصلات ( فقط ) كثيره
خصوصا ان وقتكم مو موسم سياح !!
ليه ماتجربون تحجزون الفنادق بأنفسكم ؟؟