مرحبا ..
الصراحه اختيار موفق وكلهن احلا من بعض ... توكل على الله وبدون تغيير ..

1000 1000 مبروك
الله يوفقكم في الحياة الزوجية ويرزقم بالذريه الصالحه اللهم امين
اما بنسبه للجدول 10/10ممتاز توكلو على الله وديروا بالكم علي انفسكم

اختى رايقه نجد
انا عندى بعض الملاحظات
1- التنقلات كثيره بجدولج وراح يكون عليكم تعب من كثر التنقلات وحتى مايمديكم تتعرفون على المنطقه الى راح تقعدون فيها لانه مايمديكم توصلون وتريحون من التنقلات الا وشلتوا اغراضكم وغيرتوا المكان وهذا الشي متعب للغايه ومراح تستمتعون
2- انتى اخترتى بتايا من ضمن المدن الى راح تزورونها وبتايا لاتصلح للعوائل وانتى بتروحيلها شهر عسل رأيي انك تشيلون بتايا من الجدول
3- بوكيت مخصصتلها 3 لياليى وقليله بحقها
4- اخترتى جزيره phi phi island وهذى الجزيره تقدرين تروحيلها برحله من بوكيت من الصبح الى العصر ماله داعى السكن فيها
ولو حابين تسكنون فيها غيرى الفندق لانه صاير بنصف الجزيره واسكنو فى فندق Phi Phi Island Cabana Hotel مكانه افضل من الى اخترتيه
5- انتى مقرره تروحين كوشانج وهذى جزيره و بوكيت وكوساموى افضل منها والى راح تشوفيته فيها تحصلينه فى بوكيت وكوساموى وبعدين كوشانج مافيها مطار يعنى تاكسى مو اقل من اربع ساعات بعدين عباره
6- الفندق الى فى كوساموى ممكن تكتبين اسمه بالانجليزى او فى اى شاطئ مكانه
7- الفندق الى الى مختارته فى بوكيت اذى كان Baan Yin Dee Resort 100%100
خلاصة الكلام لازم تعيدين النظر فى ترتيب جدولكم وتلغين بعض الاماكن

اتفق مع كلام ياخي افهم في كل ماذكرة ماعدا النقطة الخامسة
فأنا اقول التجربة حلوة يعني قومي بألغاء بتايا وخلي kho chang
تحياتي لك

اولا مبروك الزواج وشهر العسل مهم جدا للمتزوجين الجدد لكن تنقلاتكم كثيرة الله يعينكم وبتايا لو سمحتي شيليها من الخريطه لانها ماتنفع للمتزوجين وعوضيها على الاقل في بوكيت احسن وبوكيت تحتاج الى خمس ايام على الاقل
بالتوفيق ان شاء الله

راعية بانكوك
شكراَ جزيلاَ على ذوقك

روح غناتي
اللة يجزاك خير وعقبال عندك

يا أخي أفهم
اشكرك على ردك المفصل الواضح وان شا اللة لي رد على ملاحظاتك بالتفصيل بس ارجع البيت

ريشة المسك
اشكرك على ردك بس انا من كثر شوقي لتايلند ودي اروح كل مكان وكنت حاطة لوي بالجدول بس الوقت المسموح لي 15 يوم وانا مصختها شوي فكنسلت لوي لضيق الوقت وعشان مافيها اوتايلات 5 ستار