يامور اوزدان
18-06-2022 - 09:01 am
السلام عليكم
انا وزوجي ان شاء الله ناوين على السفر لماليزيا ل15 يوم اول ايام عيد الفطر ولان ترتيب البرنامج وحجز الفنادق علي حبيت انكم تساعدوني لانه البلد هذا مااعرف فيه شيء الا قراءه بسيطه عنه اولا ابي اعرف كيف جو ماليزيا بالعيد برد حر عندي اسماء مدن بس ماعرف الترتيب المناسب له وكم المده اللي تستحقه كل مدينه ؟؟ ابي اماكن بارده وطبيعه هذا الشيء اللي يهمني اكثر من التسوق اذا فيه مدن افضل او اماكن افضل ياليت تذكورها لي ؟وأبي فلل بمسبح خاص وين ألقاه باي مدينه ؟؟ المدن اللي قريت عنه كوالالمبور /لنكاوي/بينانج/مرتفعات جيتنغ هايلانداومرتفعات كاميرون /بورت ديكسون .
انا ترتيبي كوالالمبور لان به المطار ليله نرتاح فيه ابي فندق مناسب ؟بعدين بورت ديكسون فيه فندق جراند ليكسز أعجبني من الصور وفيه مسبح خاص ليلتين ؟ما ادري وش رأيكم فيه؟والباقي الايام اتركه لكم رجاء ساعدوني ؟؟ ابي أحجز الفنادق بأقرب وقت
بأذن الله كل أخوانك هنا بالمساعدة ... ومعنا راح تكون الرحلة ( ناجحة ) بأذن الله
ياليت تعطيني أختي الكريمة ( تواريخ السفر ) بالضبط ... عشان نرتب لك الجدول بالتواريخ
لكن عموما ... الترتيب الأجمل بهذا الشكل :
البداية من سلانجور الراقية ... وبعدها ( لنكاوي ) الساحرة ... ثم ( بينانغ ) المميزة ...
ثم ( الكاميرون أو جنتنغ ) حيث الطبيعة والجمال والأمطار ... والختام ( كوالا ) المدينة الصاخبة ...
وأما ( البورت ديكسيون ) تكون أخر الرحلة إذا حبيتوا ... لأنها منطقة منتجعات فقط ... وتنفع للراحة والأسترخاء ...
أما ( الجو ) في ماليزيا فهو واحد طوال العام ( حار رطب ) مع أمطار شبه يومية ...
وفيه أشهر تزداد فيها الأمطار شوي ... وهي أشهر ( سبتمبر - أكتوبر - نوفمبر - ديسمبر ) ...
المطوب الأن :
أعطينا التواريخ + الميزانية كم للفنادق ... وبأذن الله نرتب لك أجمل وأحلى رحلة إلى ( زيزا ) ...
وطبعا أنصحك قبل أي شيء ( تقرأين ) موضوعي هذا ... وبأذن الله يفيدك جدآ جدآ جدآ في معرفة كثير من الأمور