- أول موضوع لي بهالمنتدى اللي حمسنا نسافر
- على الخطوط السرلنكية ب 12000 و400
أول موضوع لي بهالمنتدى اللي حمسنا نسافر
احنا حاجزين لاندونيسيا بإذن الله بعيد الاضحى بتاريخ:26 سبتمبر الاقلاع من جدة 8 مساءً والوصول لجاكرتا 27 سبتمبر الساعه 1 ونصف مساءً والعودة : الاقلاع الخميس 9 اكتوبر من جاكرتا الساعة 2 ونصف مساءً ونوصل كولمبو 5 ونصف مساءً ونمسي في كولومبو ويوم 10 اكتوبر الساعه 2 وربع مساءً الاقلاع الى جدة الوصول 6 مساءً
على الخطوط السرلنكية ب 12000 و400
ابي جدول لمدة 11 يوم في اندونيسيا من غير ايام الذهاب والعودة .. احنا عائله امي وابوي وانا 18 سنه واخواني 12 و8 و5 سنوات نبي شقق نظيفه واسعارها مناسبه وآمنه وهل بإمكاني استئجار بودي قارد وهل يحتاج ؟ والفلل في بونشاك ابي ارقام الحراس والخادمات وكم الاسعار يعني كم بيكلفني السفر بدون التذاكر وكيف الاجواء بتكونن ! و ابي اماكن براشوت وعادي يمديني انا اخذ براشوت او لا بس الرجال :X وما ابي جزيرة بالي بالرحله وما نبي بحر ولا رحلات بحريه يعني ابد لأن امي م تبيه مدري ليه .. يعني جاكرتا والجبل وباندونق و وين بعد ! والاماكن يعنيقريت كثير واحترت مره م عرفت اسوي جدول وحدائق الحيوانات م يكون في خطر اذا رحناها مدري كيف ؟ والبريعصي ؟ يقولون حتى بالفنادق والفلل فيه ؟
وفيه يوم بيكون ب كولومبو هل سيرلانكا امنه ؟ وهل فيه اماكن يستحق اروح لها ب كولومبو يعني كيف اقضي هاليوم وابي فندق او شقق امنه فيها لأني متخوفه منها وأهلي معتمدين علي بكل شيء مابي اورطهم واول مره نسافر برا وهل يحتاج فيزا سواءً بإندونيسيا او سيرلانكا وأبي ارقام سواقين ؟ باليوميه و وش افضل التكاسي او سواق انا لقيت سواق ب 200 شامل بنزين ورسوم الطريق ليوم واحد كيف سعره ؟ ابوي يقول غالي :/
ادري اسئلتي واجد بس م عليه تكفونن محيوسه ابي الفزعه الله يجزاكم الجنه
اهلا تولانا
انا حاسه بمعاناتك لأننا بنسافر في نفس وقتكم واهلي معتمدين عليا في كل شي
أول شي لازم تقرأي عن اندونيسيا كثير هذا الشهر كله اجلسي اقرأي تقارير الاعضاء ونصايحهم وتحذيرهم ، واختاري الاماكن اللي تناسبكم وحابه تروحي لها
وأنا مو خبيره بس اقترح لك الجدول التالي :$
جاكرتا ( يومين )
للاسف حيصادف وقت وصولكم إجازة ( السبت والأحد ) يعني حتكون جاكرتا زحمة والأماكن السياحية فيها مزحومة
طبعاً اول ما توصلوا راح تتوجهوا للفندق وتناموا
الاحد 28 سبتمبر : عشان ما تكرهوا السفرية من اول يوم انصحكم ما تروحوا مشاوير بعيدة خلوا هذا اليوم لاستكشاف المنطقة اللي حول الفندق ، ولو تستأجروا فندق جنب الأسواق يكون أحسن ..
الاثنين 29 سبتمبر : منطقة انشول في جاكرتا تقضوا فيها يوم كامل بين مرافقها السياحية :
القرية المائية
سامدرا (عروض الحيوانات البحرية )
عالم البحار (sea world)
الألعاب (دنيا فانتازي)
التلفريك
مطعم بندر جاكرتا
باندونق ( ثلاث أيام )
الثلاثاء 30 : الخروج من الفندق صباحاً والتوجه إلى باندونق
المرور على حديقة الفواكة (taman wisata mekarsari) والأفضل الوصول إليها مبكراً الساعة 10 صباحاً
ثم الذهاب إلى باندونق
راح توصلون ان شاء الله على الساعة 2 الظهر تقريباً
ارتاحوا ساعة في الفندق وعلى المغرب اتوجهوا لمقهى داغو أو شارع الجينز
الأربعاء 1 اكتوبر : من 9 الصباح التوجه لمنتجع ساري اتير للمياه الكبريتيه وتقدروا تستأجروا حمام خاص ، وإذا ما يناسبكم ممكن تبدلوه ببركان تانكوبان براهو بعدين تروحوا مزرعة دي رانش + وجنبها تمروا على (شلالات ماربيا) ولا تنسوا تاخذوا القهوه معاكم وأهم شي تروحون لشلال اوماس والغداء يكون في مطعم كامبونق داون الخميس 2 اكتوبر : منطقة تشيودي ( بركان وبحيرة كواه بوتيه + البحيرة الحالمة سيتو باتنجن + مزارع الفراولة petik sendiri ) وفي المساء تروحون سوق Bandung super mall واللي يميزه انه فيه أكثرمن 200 محل تبيع منتجات راقية و أربع صالات سينما وبولينغ وصالة بلياردو وملاهي للأطفال وسوبر ماركت فخمة 15 مقهى.. وجنبه في ألعاب trans studio وهي ألعاب مغلقة راح تنبسطوا فيها بونشاك ( 6 أيام ) الجمعة 3 اكتوبر : الخروج من الفندق و التوجه للجبل ( بونشاك ) وفي الجبل المرور على مزارع ومصنع الشاي ثم البحث عن فيلا للسكن والافضل تكون بمسبح عشان ينبسطوا أخوانك ، وترتاحوا بقية اليوم .. السبت 4 اكتوبر : حديقة الزهور قبل الظهر عشان تستمتعوا فيها قبل الحر + شلالات تشيبوداس وبعدين كملوا بقية اليوم في مدينة الزهور كوتا بونقا ، وفيها بحيرة فينيسا تقدروا تستأجروا قارب وطبعا حيكون السبت اجازة يعني الألعاب مفتوحة وفي ركوب خيول الأحد 5 اكتوبر : مسجد التعاون + منطقة البراشوت + بحيرة الألوان ولأنه يوم اجازة يمكن يكون الجبل مزحوم ارجعوا الفيلا بدري واقضوا بقية اليوم في الشوي الاثنين 6 اكتوبر : تامان سفاري طبعا تحتاجوا يوم كامل فيها بين الحيوانات والعروض وايضاً الشلال الثلاثاء 7 اكتوبر : شلالات شيليمبر + حديقة وألعاب متهاري الأربعاء 8 اكتوبر : راح تكون رحلتكم في الليل ولازم تروحوا قبل الرحلة ب 4 ساعات يعني أخرجوا من قبل العصر واتغدوا في بحيرة الليدو وانطلقوا إلى جاكرتا .. و رافقتكم السلامة .. . . بالنسبة لسيرلانكا و لخيارات السكن والمواصلات اتركها لخبراء المنتدى يفيدوكي ما يقصروا ان شاء الله .. بس أيام جاكرتا ما تحتاجوا فيها سائق خاص ، اعتمدوا على التكاسي ، والأفضل تكاسي بلو بيرد اللي عليكي الآن تقرأي عن كل الاماكن اللي كتبتها لكي وتاخذي معلومات كامله عنها وتشوفي ايش اللي يناسبكم منها ، وتستبدلي اللي ما تبغيها .. . . وان شاء الله تنبسططوا وتكون رحلة ما تنسى