1. بالنسبة لي لو بمكانك بختار 20 يوم فقط من وجهة نظري كويسة جدا ..


2. وبكوالا بما ان مدة سفرتك راهية بقسمها فترتين :

اهلين اخوي احمد ..
بالنسبة للتكلفة فيه ناس بنفس مدة السفر وتكلفها سفرتهم 13 الف فقط ..وناس ب20 وناس يوصلون ل30 الف ..
اللي بقوله لك التكلفة صعب جدا نحددها لانها تعتمد على اختيارك للسكن وكمان اختيارك لوسائل النقل ومصروفاتك الشخصية ..
انت قدر ميزانية معينة ..وين حاب تسكن يهمك شارع العرب او البرجين او بعيد عنهم ؟؟
..وبعدها بيحددون لك الاخوان هنا الفنادق المناسبة ووسائل النقل,,
لانه فيه فندق ب300 الليلة واقل وفيه فنادق ب600 وطالع ..
والنقل ممكن تروح ب2 رينجت وممكن ب20

بالنسبة لي لو بمكانك بختار 20 يوم فقط من وجهة نظري كويسة جدا ..

وبكوالا بما ان مدة سفرتك راهية بقسمها فترتين :

1- تكون عند البرجين وعندك الماندرين او تريدرز بس سعرهم شوي غالي ولو تبي اقتصادي عندك امبيانا او نيكو ..شخصيا لو بسكن من ليلتين ل3 بختار ترديرز موقعه خطير وسعره معقول لكن لو بسكن من 4 ل6 ليال بختار نيكو فندق مرتب وسعره يابلاش قريب اخلص تقرير عنه لا تروح بعيد ..
هذا تقرير عن تريدرز العجيب لمبدعنا ابو علي
https://artravelers.com/p/re/469208
2- شارع العرب علشان الشوبينق وبختار رويال شولان لانه جديد وشكله عجيب ..اوماريوت او الويستن ..ولو تبي ارخص القراند ملينيوم الدوريست ريجنسي
للامانة ماجربت ولا فندق منهم سفرتي خلال الشهر القادم ان شاء الله ..وكل ماخبرتك فيه .. خلاصات بحث ومن واقع تجارب الاخوة والاخوات هنا
فيه هنا تقرير لشقق فندقية اقتصادية
https://artravelers.com/p/re/464290
بالنسبة للنكاوي مش من برنامجي بس الكل بلا استثناء يمدح الويستن .. يعيبه ارتفاع سعره شوي
هذا تقرير لبرجايا لنكاوي طول عليه يمكن يعجبك لمبدعنا ابو اصيل
https://artravelers.com/p/re/474208
وشوف هنا للمبدع سميح
https://artravelers.com/p/re/467140
كميرون حلمي الجميل في دي لافرنس وهذا تقرير عنه للمبدع ماجد
https://artravelers.com/p/re/464196
وانا شخصيا عاجبني ليك هاوس
ولو رحت للكميرون بسكن فيه ان شاء الله رغم ان كثير مانصحوني فيه يقولون موحش ومنعزل و بس انا عاشقته حتى الثمالة
نجي للتنقل فيه الطيارة من منطقة لمنطقة او تاكسي او باص
وبنفس المنطقة عندك ارخص وسيلة المونورول وعندك التاكسي
ومجرد اقتراح ليش ماتضيف اول يومين بسيلانجور راحة واستجمام وتراها تستاهل ومافيه احلى من سن وي لاقون ؟!!
او تكون هنا وترى قريب حيل من المطار بس 45 د
https://artravelers.com/p/re/464378
موفق

شكرا اخوي وماقصرت ..
انا ميزانيتي ع قدي .. بس الوقت طويل .. وانا اسأل عشان اعرف اذا اوفر اكثر للسفر ..

• بالنسبه للسكن ابي في كوالا اشياء نظيفه وع الاقل 4 نجوم ..
• لنكاوي ودي بالاكواخ اللي ع البحر ..
• كاميرون متردد عليها اروح لها او لا .. بس ودي اخلي لها يومين استرخاء ..

اول يومين اوصل بتكون في صن وي لاجون .. ثم لنكاوي - كاميرون - كوالالمبور ..
ابي حسبه لشئ نظيف من ناحيه السكن ..
والمواصلات ابي الشئ المعقول ..
وشكرا ع المساعده ..
اول مره اسافر بالاطفال للخارج وما ابي مفاجآت ..

أحمد فهد أحمد
الله ييسر لكم يارب ..
لازم تحط مبلغ معين مايصير تترك الموضوع مفتوح
على قد الحال يعني كم 15 او 20 ؟؟؟
شوف يااخي الفاضل علشان تروح كميرون ماعندك الا الباص او التاكسي ومن بينانج او كوالا او ايبوه او او
المهم مافيه خط سير دايركت من لنكاوي على الكميرون..
فعندك خيارين اما تضيف يومين ل3 في بينانج وانا اشوف يومين كفاية تستجم فيها عقب تروح للكميرون او تخلي الكميرون ثاني محطة عقب سن وي لاقون
اقتصادية
سيلانجور
برايمد هوتيل
كوالا
بيكولو شارع العرب (انتبه بيكولو لازم تكون بالطوابق العلوية لانه بتنزعج من الميوزيك والصجة واللوية اللي بالكافيهايات اللي برى
)
او دوريست ريجنسي او قراند ميلينيوم مواقعهم حلوة بين وبين
امبيانا نيكو في منطقة البرجين
الكميرون دي لافرنس

أخ أحمد
إذا ميزانيتك على قدك أجل ماله لزوم 26 يوم كثيرة عليك
ماليزيا يكفيها 14 يوم بالراحة
الأخت شموخ جزاها الله خير ماقصرت أعطتك كل الخيارات
والبرنامج اللي في الرد الأخير من شمووخ برنامج إقتصادي ممتاز جداً
توكل على الله ولا تتردد

بالنسبة لحساب الميزانية بعطيك طريقة تقريبية:
1. التذاكر الدولية على حسب الخطوط وتتراوح مابين 1500 إلى 3500 ريال حسب توقيت سفرك وحسب وقتك حجزك
2. التذاكر الداخلية رخيصة ماتكلف كثير يعني أنت وزوجتك والطفلين في حدود 1500 ريال (كوالا- لنكاوي - بينانج - كوالا)
3. الفنادق إذا 5 نجوم أحسب اليوم بمعدل 650 ريال وإذا فنادق إقتصادية في حدود 400 ريال
4. المصروف اليومي في حدود 350 ريال إلى 400 ريال حسب صرفيتكم شامل التكاسي والمطاعم والترفيه
أرجو أن تكون الصورة قد اتضحت لك الآن
مع تمنياتي لكم برحلة موفقة إن شاء الله

هلا بأخونا الغالي ( أحمد )
أسأل الله أن يوفقك يالغالي لكل خير في الدنيا والآخرة ...
بصراحة أنا أرشح لك البرنامج الثاني ( 20 يوم ) أفضل لكم من كل النواحي ماديآ ونفسيآ أيضآ ...
وبصراحة ماقصروا الغالين ( أبو أنس - شموخ ) أعطوك العلم الأكيد ... الله يجزاهم الجنة ...
وافي بزمن جافي

من وجهت نظري 26 يوم او 20 يوم تعتبر كثيرة
خل المدة من 14 - 18 يوم افضل
لانك يمكن تشعر بالملل ..
بالتوفيق ..,,

مشكورين جميعا .. وماقصرتوا الله يوفقكم دنيا وآخره ..
الاخت شموخ الله يعطيك العافيه افدتيني كثير ..
باروح احسب حساباتي : ) والله يعين ويسهل ..