ياليت تحدد الوقت اللي انت رايح فيه عشان الأخوان يقدروا يساعدوك
عموما الأسعار هذي الأيام معقوله بالنسبة للفنادق وتذاكر الطيران
وأعتقد المبلغ اللي حطيته يكفي بس استثني الهدايا والتسوق
انا سكنت في فندق قريب من الشارع العربي (Buket bintang) اسم الفندق Melia Hotel نظيف وممتاز 4 نجوم بحوالي 55 دولار
ان شاءالله أكون أفدتك وبالتوفيق

الله يعطيك العافيه اخوي eng_yasser وما قصرت انا مسافر ان شاء الله في شهر 7 ميلادي
والفندق الي تقول عليه سعره جدا مناسب

كوالالمبور ....... بان باسيفك .......... سعره معقول يتراوح مابين 190 إلى 230 تقريباً
لنكاوي ...........موتيارا بورا باي ............يمكن يكون أرخص شي ومعقول تقريباً 160 إلى 190

الله يجزاك خير اخوي
طيب بينج وجنتق
وهل فندق بان باسيفيك في الشارع العربي
انا اسف على كثره الاسئله

بان باسفيك بجانب المطار

بان باسفيك المطار وهذه خريطته:

وبان باسفيك كوالالمبور وهذه خريطته:

1-Dynasty اربع نجوم
US$38
2-Grand Seasons اربع نجوم
US$50
3-Grand Central اربع نجوم
US$27
4-Pan Pacific Kuala Lumpur خمس نجوم
US$64
5-Legend اربع نجوم
US$50
6-Wira ثلاث نجوم
US$34
7-City Villa ثلاث نجوم
US$30
8-Plaza ثلاث نجوم
US$28
9-Grand Continental ثلاث نجوم
US$31
10-Sheraton Imperial خمس نجوم
US$102

السلام عليكم ...
حياك الله أخوي ROMANC ...
والشباب ما قصروا ما شاء الله ... وذكروا فنادق طيبة وسعرها معقول ...
الصراحة الميزانية اللي حاطها يبيلها دفه شوي ... يعني 16 يوم أشوفها تحتاج أكثر من 12500 ريال شاملة كل شي ...
أبشور عليك بالفنادق اللي أشوف سعرها معقول وطبعاً كلها أربع نجوم بس ممتازة ...
في كوالالمبور ..
البان باسيفيك مثل ما قالوا الشباب ممتاز جداً بس مشكلته بعيد عن شارع العرب .. تحتاج تاكسي عشان تروح شارع العرب ...
أنا أقترح عليك دورسيت ريجنسي ... في نظري أفضل فندق أربع نجوم ورخيص على شارع العرب ...
سعره تقريباً للغرفة الديلوكس 220 ريال والآن مسوين عرض ب 180 ريال فقط ... بس ما ادري راح يستمر السعر إلى شهر 7 أو لا ...
هذي خريطة توضح موقع الفندق على شارع إيمبي بس يعتبر الفندق من فنادق شارع العرب لأنه في شارع صغير تمشي معه يمر فيك بين الماريوت والويستن وتلقى نفسك في شارع العرب يعني قريب مره ..
في لنكاوي ..
عند خيارين إما موتيار بوراو باي اللي قال عليه أخوي حسن وهذا نظام كباين على البحر ... أو هوليداي فيلا ... وسعر الفندقين قريب لبعض ...
موتيارا بوراو باي ... كابينة سي فيو ب 290 رينقت و كابينة قاردن فيو ب 270 رينقت
هوليداي فيلا الغرفة الديلوكس ب 270 رينقت
في بينانق ..
كمان خيارين إما باي فيو بيتش أو بارك رويال ...
وأسعار الغرفة الديلوكس في الإثنين تتراوح بين 280 - 300 رينقت
في جنتنق ..
إما جنتنق هوتيل أو الفيرست وورلد ... وكلها ممتازة بس أعتقد الفيرست وورلد أحدث ...
والسعر بين 150 - 170 رينقت ... والله أعلم ...
أعتقد لو حسبتها ل 16 يوم والبرنامج يكون كالعادة ...
2 يومين كوالا - 2 يومين لنكاوي - 4 بينانق - 2 جنتنق - 6 كوالا
راح تطلع حسبة السكن قرابة 3500 ريال ... ويبقالك التذاكر لشخصين على الخطوط السعودية مع رحلاتك الداخلية على الماليزية بتصك 5700 ريال والله أعلم ...
يعني المجموع 9200 ريال ...
ويبقى من الميزانية اللي حاطها انت 3300 ريال ... مقسمه على 16 يوم يطلعلط لكل يوم تقريباً 206 ريال ... واللي أعتقد إنها شوي يني لو تخليها لليوم 250 ريال ممتاز
يعني زيدها 1000 ريال وإن شاء الله تكفي الميزانية بهذا البرنامج ...
وهذي مواقع الفنادق اللي ذكرت :
http://www.genting.com.my/en/accommodation/h_firstworld/index.htm
بالتوفيق إن شاء الله ...

السلام عليكم ورحمه الله وبركاته
مشكور على الخريطه والاسعار اخوي Semsem_g
الله يعطيك العافيه وما قصرت
اخوي ابو ميسم الله يعطيك الف عافيه كفيت ووفيت وما قصرت على المجهود الي بذلته وعلى المعلومات القيمه الي ذكرتها
انت بصراحه مو خبير سفر لماليزيا انت (برفسور سفر ماليزيا)
طبعا انا خلاص بعتمد على الله ثم على معلوماتك
طلب اخير
(مكتب سياحي على ذوقك)
اذا كان قاونين المنتدى لا تسمح ارسله على الخاص او على الايميل
انا عارف اني مصختها لاكن ما لي الا الله ثم انتو حبايبي

أخي الكريم تستطيع السفر اخي الكريم بكل يسر وسهولة
بس 16 يوم طويلة يعني 14 يوم في ماليزيا 3 ايام في دبي
انا اخي سافرت 5 ايام الى ماليزيا في الصيفية بحدود2600 ريال حتى بنجلاديش رحتلها ومترف نفسي والسكن فندق 3 نجوم 100ريال بس كل شيء بنفسي بدون مكتب سياحي
و3 دقائق من الغرفة الى القطار وصولا الى Klcc لكن استخدم القطار
حتى اوفر لأن اكثر شيء يخسر التاكسي حراميه
المشكلة اللي يخسر نفسه في السكن وهو مايجي الا النوم
بس المشكلة القطار مايصلح للمدام