مرحبا ...
طبعا انا ماعندي خبرة بهذي الاشياء اكيد الاخوات بيفيدنك اكثر ... بس دايم اسمع الاهل يطرون محلات العبايا اللي في ابراج الامارات ...

جزاك الله خير يا اخ خالد......مشكور

مرحبا اختي سياحة×سياحة يوجد بوهيل سنتر في ديرة متخصص بالكامل تقريبا بالعبايات والشيًل .

ما كثر محلات العبي !! ... عندج محلات حناين عندهم تقريبا فروع في كل المراكز التجارية ، الاختيار الاول ( الغرير) ، حبايب ( الغرير ) ، ماي فير ليدي ( ابراج الامارات ) ، ايليت ( بالم ستريب -جميرا ) ، البندر ( برجمان ) ، المتحجبة ( حمر عين ) ، هذا اللي حضرني الحين واذا بغيتي اي مساعدة انا حاضرة ... موفقه اختي

السلام عليكم
إذا تفضلين بحدود 500 و 600 مركز ابوهيل اسعارهم وسط بالنسبة لبقية المراكز...والاخوان ماقصرو ذكرولج بعض المحلات فالمراكز مثل الإختيار الأول وغيره
وإذا تحبين شي مميز وحلو بحدود 1000 - 1300 معارض نسائيه ممكن اعطيج أرقامهم
الجلابيات في سوق عكاظ قريب جداً من سوق نايف...تخلين مركز شرطة نايف على يسارك وتكملين سيدة الإشارة الأولى اتعدينها ... بعدين بتيج إشارة ثانية سوق عكاظ بيكون يمينج عالزاوية جنب الإشاره الثانية بالظبط وهالمنطقة صعب تلقين فيها باركن.إلا إذا تاكسي ينزلج أفضل
وعندهم من 30 - 300 بس يبغيلهم مكاسر

اخوي الاماراتي انا شاكرة لك مشاركتك وبالفعل مركز ابوهيل سمعت عنه وان شاء الله اروح له
سيدة الانتظار مشكورة يالغالية ماقصرتي والله
بنوتة اماراتية بالفعل هذا هو طلبي انا ابي شي مميز جدا ياريت لو تعطيني الارقام ورح اكون ممنونة لكي.........وبالنسبة لسوق نايف وعكاظ انا شفت وحدة مخيطة جلابيات من عندهم بس خيال والفصوص كلها شوارفسكي والجلابيات ب1800 درهم و1500 درهم !!! وانتي تقولين الاسعار من 30 الى 300 درهم تتوقعين انضحك عليها بالسعر ؟؟؟؟؟؟؟؟؟ لاني ابي اروح اشتري لامي جلابيات وحابة اتأكد عشان ماينضحك علي بالسعر

بنوتة الامارت وينك نسيتيني

السلام عليكم
هلا الغالية ... جلابيات عكاظ نفس الجلابيات لكويتية أو الهندية ماعتقد فيها فصوص
عندهم من 30 إلى 300
سوق المرر قريب من سوق نايف أيضاً عندهم الجلابيات المغربية الخياطة ولجاهز وأيضاً إلي نحن نسميهم المخور ، وأيضا الجلابيات العادية بالفصوص السواروفسكي أو العادي من ال 200 إلى 1000
وكثير من المحلات في هالمنطقة معروف بإسم (فريج المرر) حتى التكاسي يعرفونه
إذا تحبين نفس جلابيات أنسام الخلف
محل كبرى القصير في مركز البالم ستريب من ال 1000 وطالع... بداية شارع جميرا سنتر صغير ومفتوح
بالنسبة لدور العبايا لازم اطرشلج الرقم عالخاص وخاصية الرسائل مش مفعله عندج
عندي كذا رقم(مواطنات) وعباياتهم وايد حلوه مميزه بس من 800 - 1000 -1300

بنوتة الامارات والله اخجلتيني بكرمك الفياض......الله يجزاكي خير ع لمعلومات الوافيه الي كتبتيها بجد وفرتي علي مشاوير كثيرة.....وخاصية الرسائل فعلتها وانا بأنتظار الارقام بارك الله فيكي