السلام عليكم ...
صباح الخير اخوي الذهين وياهلابك ومرحبا بك
ممكن جداً انه يكون هذا مسارك ...لكن بين لنكاوي وكوالا شفت
فراغ ومافهمت معناها وتراها تخوف
تقدر تخلى الفراغ ليلتين بسلانجور او ملاكا لو انه الفراغ فيها حيرة .
لو قلت لنا كم بغيت ليلة الفندق كان افضل .
خبرنا بكم بغيت الليلة ...وترى اغلى منطقة بماليزيا من حيث اسعار الفنادق
لنكاوي فزود ميزانيتها شوي ....وكوالا بغيتها على شارع العرب ولاماهي
مشكلة ....حدد لنا بكم بغيت الليلة ومايصير خاطرك الا طيب والسلام عليكم

اخي العزيز الشعيبي .. يالذيب
ماتتخيل وش كبر فرحتي يوم رديت علي
اللي أبيه طال عمرك هو بإختصار اني ناوي أروح دايركت على كوالا لامبور واجلس فيها 4 ليالي وخليت (جنتنج) زيارة خلال يوم أثناء جلوسي في (كوالا) ثم بعدها اروح الى (منتجعات كامرون هايلاند) لكني ما حددت الفندق وأبي رأيك وشهو الزين اللي مايفوت علي أي شيء وناوي أبيت فيها ليلتين (2), ثم الى (بينانق)والنية على أربع ليالي (4) بس هذي لا حددت الفندق ولا كيف الوصول لها من (منتجعات كامرون هايلاند) على طول بدون الرجوع الى( كوالا) هل هو سيارة ولا باص ولا إيش رأيك يالحبيب .وبعدها (لينكاوي )ليلتين (2), أيضا على طول من( بينانق ) وكيف الذهاب الى هناك, ثم ما أردته من الفراغ الى بين( لينكاوي )و (كوالا) إني ما أدري وابي تقترحون علي, وجزاك الله خير على الإقتراح .
للمعلومية :
أنا حجزت في الأربع أيام الأولى اللي في (كوالا) في فندق (موتيارا) بسعر( 360 ريال ), إذاعندك إقتراح على الفنادق في كل المدن المذكورة فأنا أقبل ما بين (250 الى 350 الى 400 ) والنظافة والخدمات أهم شيء
ولك الشكر على كل مابذلت

صبحك الله بالخير ياطويل العمر
وحيا الله اخونا الذهين وابشر طال عمرك باللي يرضيك
نقول بسم الله :
كوالا ...4 ليالي ...موتيارا .
منها طلعة لجنتنغ .
كاميرون ...ليلتين ...اكواتوريال .
بينانغ ...4 ليالي ...بي فيو .
لنكاوي ... ليلتين ..هوليدي فيلا .
سلانجور ...صن واي لاقون .
كوالا ...بان باسفيك .
اكواتوريال = 180 تقريباً .
بي فيو = 270 ريال تقريباً المطلة على البحر .
هوليدي فيلا =300 وشوية ...وان بغيت شيء افخم واغلى
اجل اتجه لشيراتون بيردانا 500 وشوية .
صن واي لاقون = 400 وشوية .
بان باسفيك =220 ريال .
كلها 5 نجوم ...هوليدي فيلا فيها اختلاف 4 او 5 نجوم .
والنظافة والخدمات كلها مايحتاج وكلها مجربة .
وفندق موتيارا اللي هو الهيلتون تراه ممتاز وروعة واحسنت
الاختيار .
تروح لكاميرون من كوالا عن طريق البر وترى مالها طريقة اخرى
برضه من كاميرون لبينانغ حيكون بر...باص او تاكسي كلها
ممكنة ...الاسهل والاروف ولكن اغلى تاخذ سيارة لحالك وان بغيت
الباص ترى موجود لكن اسئل اول عن توقيتها واشتري التذاكر
من بدري واعرف المحطة .
من لنكاوي لبينانغ عندك طريقتين ..اما فيري بالبحر ومافيها
من دوار بحر وغثيان او طيران .
من لنكاوي لسلانجور عاد الافور والافضل والاروق انه
يكون طيران من لنكاوي وتنزل بمطار العاصمة ومنها لفندق
صن واي لاقون بالسيارة وتراها قريبة .
من صن واي لاقون لفندق بان باسفيك كوالا حق نصف ساعة
وتاخذها بالتاكسي .
هذا عاد برنامج اولي شوف وش رايك فيها ... ووش عجبك
ووش ماعجبك وان بغيت تقدم او تأخر ماعليك وان كان عندك استفسار
او في شيء غامض ابشر من عيوننا ... بارك الله فيك اخوي الذهين
واتمنى لك رحلة سعيدة والسلام عليكم

ياسلام عليكمن لنكاوي لسلانجور عاد الافور والافضل والاروق انه
يكون طيران من لنكاوي وتنزل بمطار العاصمة ومنها لفندق
صن واي لاقون بالسيارة وتراها قريبة .أفهم من هذا ان المسافة بعيدة وكيف الحجز بالطائرة من الحين ولا لا صرنا هناك وكم السعر بارك الله فيك .
سؤال وانا كلي حياء , انا الى الحين ما حجزت على الفنادق الا الأيام الأولى مثل ما قلتلك والسفر ان شاء الله يوم الأحد القادم , على بالي اني أحجز اذا صرت هناك
وأخيرا وش الأسواق الرخيصة جدا جدا اللي تكيف عليها ام العيال – بس ما أبيها تدري عن السعر مثلك عارف هه –
والله يجزاك الجزاء الأوفى

هلا وغلا بأخوي الذهين
والله مشكلة انه الافور المسافة بعيدة ولاجل اقربها لك
ترى سلانجور جنب كوالا جداً ... لانه كوالا كانت قطعة من سلانجور .
عاد تصور كل المسافة اللي قطعتها من اول سفرتك وزيادة .
فالطيران افضل وارخص ...200 وشوية وان بغيتها بطريقة اخرى
تقريباً 500-600 ريال بحر وبر .
والافضل تاخذها من هنا لاجل تريح بالك ويكون شغلك اكيد وتنقلاتك
جاهزة ....وترى اسعار التذاكر الداخلية عندهم حكاية ورواية
يوم تلاقيه ب170 ويوم ب270 ويطلع وينزل بدون سابق انذار .
ان كنت مع عائلة راح اقول لك اتمنى انك تأكد من هنا اول فنادقك
لكن دام انك لحالك وربك الحافظ اجل توكل على الله والدنيا كلها فنادق
وعاين بنفسك واللي يعجبك ادخله ولو صفت على فندق بدون نجوم
حنا شباب واهلها لا تصدق لا يكون فيها عصابة القناع الاسود
دور 3 نجوم وانت طالع وابحث عن كل ماهو ملايو ...وان بغيت
تحجز نفس الفنادق اللي اتفقنا عليها اجل ابحث عن مكتب ثقة
واسعاره حلوة وعندك مكتب ابوغدي واعطيك رقم مكتب اخر
ان بغيت وقارن واختار اللي تبغاه وتوكل على الله .
ان بغيت الشنط رح للسوق المعفن السوق الصيني ...هذا السوق
اكرهه كره ...ودور شنط ماركات وان عجبك شيء وقتها اسئل
وان ناداك احد طنشه ولا ترد عليه ولا توزع ابتسامات ولا تكون جاف جداً
وخلك مثل المطاط كأننا داخلين معتقل ولا تكاسر لين تشوف
شيء يعجبك وبغيت تشتريه ...وان ماعجبك قول شكراً وامشي بسرعة
ولا تعطيه وجه ...وتلقى هالشنط موجودة بالسوق الليلي ببينانغ
لابأس بها ...شانيل او قوتشي ومشي حالك .
وان بغيت اقمشة حلوة ...اسئل عن اقمشة باتيك كلنتان ...روح
لسوق مسجد هنديا ...وتلقى اقمشة حريمية جميلة من 40-480 رينجيت .
وان بغيت ملابس للاطفال عاد روح لمركز سوقو ...او اتجه لجاسكو
بسوريا klcc ...او اي فرع لجاسكو وعندك ميغامول ميدفالي .
بغيت هدايا تذكارية وشعبية عندك السنترال ماركت .
وترى مسجد هنديا قريب من السنترال ماركت ...وسوقو برضه مش
بعيد ...ترى كوالا صغيرة ومش كبيرة اوي ...اقصد اصل العاصمة
لانها متصلة مباشرة بسلانجور .
موفق اخوي الذهين بأذن الله واتمنى لك رحلة سعيدة
ولا تنسانا من دعائك الصالح ولك تحياتي والسلام عليكم

الله يجزاك خير والله انك أحرص من
انا مشغول بترتيب الحجوزات, والحقيقة لم أستطع أن أترك الموضوع دون أن أشكرك على ردودك التي تنبء عن معرفة كبيرة وحرص على إفادة الأعضاء
واسمحلي أن أعاود الأسئلة لاحقا
والله يجزاك خير