أول شي الفيزا (تبع الاتحاد الأوروبي- واسمها شنغن)
تاخذ وقت من 10 ايام الى 14 يوم وهي سهلة تروح لأي مكتب يطلعها لك ياخذ منك 100ريال أتعاب
هذي الفيزا تدخل فيها دول الاتحاد ماعدا بريطانيا (والمعروف ان سويسرا ليست من دول الشنغن لكنها فتحت السياحة للخليجين اللي معهم شنغن بالدخول الى أراضيها من أي دولة أوروبية)
تقدر تروح لمكتب يرتب لك الرحلة حسب امكانياتك (والمبلغ اذا انت عزابي بيكفيك ان شاء الله)

روما بالنسبة لي مدينة قديمة ومملكة مافيها الا الكنايس والمباني والآثار القديمة
ماعندك الا باريس وجنيف..طبعا جنيف مملة ايضا ولازم تطلع بره جنيف مثل انترلاكن على سبيل المثال
باريس حلوة كثير بس غالية ويبيلك ميزانية شوي اكثر من اللي مخصصها لان يكفيك فنادقيها غالية واسواقها أغلى واغلى.....

انا مااتفق معك اخوي يموضوع روما (لأن ساحاتها حيوية ومرحة ونوافيرها والمشي فيها ممتع ولها طبيعة خاصة غير باقي أوروبا)
ويكفي الواحد انه يزورها لو مرة بالعمر بس يشوف آثارها وحضاراتها
أما جنيف فعلا مملة (بالذات ربعنا لا ارتزوا عند البحيرة وأنواع الاستعراض)
باريس حلوة التمشية فيها بشوارعها وممراتها بالذات الحي اللاتيني وسان جيرمان والشانز للسهر
والشوبينغ من باريس لهم كم سنة ماعاد أحس ان عندهم تميز مثل ميلان

الله يوفقك وتروح وترجع بالسلامه

السلام عليكم اليكس انا رايح جنيف والله الناس يمدحون جنيف انصحك فيها وحتى روما وباريس طالعلها بس والله جنيف طيرت عيوني يوم اني اشوف الفنادق

اولا الوقت ما يكفي والميزانيه ما تكفي تروح للثلاث مناطق هذي في اسبوع واحد باريس يبيلك فيها اقل شي اربع ايام
لكن خلك عنك علوم قرانديزر( كانك تطرد لك واحد من دولة الى دوله) واسمع مني
اختارمابين باريس وجنيف او باريس وروما
انا بختار باريس وجنيف واضرب لك مثال على التكلفة عشان تحطها في بالك
لازم ترتب رحلتك من الان وتقرر هل تبدا من جنيف ثم باريس او العكس تبدا من باريس الى جنيف
ثانيا احجز الفنادق والتذاكر من الآن عشان تطلع ارخص واوفر عليك
الوصول الى باريس
السكن في فندق اربع نجوم في منطقة قريبه من الشانزليزيه
Hôtel De Castiglione, Paris
Arrival
Friday, July 13, 2007
Departure
Tuesday, July 17, 2007
المغادرة بعد اربع ليالي
4 nights
1 room
2 persons
Total cost
(discounts included)
€ 740
السفر من باريس الى جنيف بالطائرة
https://www.easyjet.com
Paris Orly to Geneva
flight 1398; dep. Tue 17 Jul 08:00
arr. Tue 17 Jul 09:05
€59.49
السكن ثلاث ليالي في جنيف في فندق خمس نجوم (فخفخه شوي)
Crowne Plaza Geneva, Geneva
Arrival
Tuesday, July 17, 2007
Departure
Friday, July 20, 2007
3 nights
1 room
2 persons
Total cost
(discounts included)
€ 817.97
1 Euro (EUR) = 5.04775 Saudi Riyal (SAR)
يطلع الاجمالي 8251 ريال سعودي تقريبا
ولازم تستاجر سيارة في جنيف عشان تمشى وتاخذ راحتك شوف بكم تطلع عليك في اليوم ..
ثم العوده الى الوطن بس شوف كم تطلع التذاكر مثلا من الرياض الى باريس والعودة عن طريق جنيف الى الرياض..
هذا مثال بس
لازم انك تقرر وتشوف وش المناسب لك بالضبط من حيث الوقت والتكلفة وطرق الموصلات
والله يوفقك يارب

مين يرد عني !!!!!!!!!! امسحوا الرد مو انا
بعدين انا بنت .. مااقول ((رايح ..طالعلها ))
شهذا سوري ((اليكس )) بشوف حل للموضوع