يا جماعة الخير ابي مساعدتكم في موضوع سفرتي إلى الفلبين

هلا بالحبيب و حياك الله في بوابتنا
والله فعلا أجازتك قصيره جدا و صعب عمل جدول لها لأن بالفتره القليله هاذي تقل الأختيارات
عموما .. انا وجهة نظري طالما هي اسبوع فقط .. تقسمها بين مانيلا و أحدى الجزر ... بوراكاي مثلا
يعني يومين مانيلا عند الوصول + 3 بوراكاي + يومين مانيلا قبل المغادره
و مانيلا فيها أماكن كثيره تستحق الزياره .. و لكي أفيدك أكثر
زور الموضوع الثاني https://artravelers.com/p/re/133409
و مواضيع بوراكاي كثيره جدا في البوابه و ممكن تقرأها على مهلك و راح تلقى كل اللي يسرك
و بالنسبه للأمن وجهة نظري الشخصيه المتواضعه بحكم ان زرت تايلند أيضا من قبل فأنا ارى ان الفلبين أكثر أمنا من تايلند و خصوصا من بانكوك .. الشعب الفلبيني محترم عادة و لكن بكل مكان بالعالم يجب الحذر ..
التايلنديين مجرمين بالفطره سبحان الله .. و اذا كنت زرت تايلند من قبل فالسياحه عندهم تختلف عن الفلبين ولو تقاربت الطبيعه و الطقس ..
عموما اخوي لو تحدد لكمدة ساعتين فقط بالبوابه و خصوصا في المواضيع المثبته راح تطلع في برنامج محترم و يعجبك .. فقط خذ لفه بالمنتدى و لأي سؤال حاظرين ان شاءالله

مشكور اخوي العزيز
طيب لو راح ازيد المدى 10 أيام
ممكن تعمل لي جدول حلو بالفنادق
وكيف القروبات السياحية فيها ؟
وهل هي اغلى من تايلند ولا أرخص؟
ودي ازور هالبلد بس مالقيت الي يشجعني بسبب موضوع الامن فيها
وبالذات في مانيلا برقص
فاحبيت لو تساعدني على عمل جدول حلو حق 10 ايام لان فعلا انا ودي ازو هالبلد
طبعا راح انكون شخصين
ومشكور على مرورك اخوي العزيز

الديك الأحمر
هلا فيك عزيزي و العفو .. و نتمنى لك رحله سعيده
بالنسبه لزيادة المده .. أنصحك تقرأ الموضوع التالي و ان شاءالله راح يفيدك كثير
https://artravelers.com/p/re/404579
و للأسف انا ما جربت القروبات أبدا من قبل .. و لكن ممكن لو تاخذ لفه بالمنتدى تجد الأجابه الشافيه
بالنسبه للأسعار .. الفلبين أغلى من تايلند .. و أسعارها بين أسعار تايلند و ماليزيا .. يعني متوسطه
أما موضوع الأمن انا جاوبتك عليه بالمشاركه السابقه .. اذا تعودت على الأمان في تايلند فالأمن بالفلبين أفضل منه بمراحل ..
و شارع برقص انا بصراحه اشوف الناس معطينه أكبر من حجمه ... اول شي الشارع صغير و متفرع من شارع كبير .. و ثاني شي سبب خطورته مو عمليات قتل و غيره .. خطورته لأنه مرتع للسكارى و النصابين .. فتجنب هالأماكن لو على الأقل بالوقت المتأخر ليلاً .
و بالنهايه .. اذا كان عندك وقت ... لا تتردد بزيارة سيبو ... و أقرا الموضوع التالي و راح يفيدك كثير
https://artravelers.com/p/re/200909
و بالنهايه اتمنى لك رحله سعيده

مشكور اخوي العزيز لانك ابصراحة عطيتني دفعة معنوية اني افكر بزيارة هاذي البلد
ابصراحة عندي اسئلة كثيره عن الفلبين
بس راح اشوف مشاركات الأخوان بعدها راح اشوف لو تبقى عندي بعض الأسئلة ومشكور اخوي العزيز مره ثانيه