السلام عليكم ورحمة الله وبركاته::
عفوا اخوي..ماهي محطة الوصول والعودة .؟؟

Medo 77
لبازل ذهاب وعوده ..
وش رايك كيف يكون المخطط ..
وش دعوى باقي الاعضاء ماردوا علي ..

السلام عليكم ورحمة الله وبركاته:
ما شاء الله تبارك الرحمن ..اختيار موفق لنقطة انطلاق للدول المجاورة.
ولوراخ مدينة جميلة وهادئة.
لكن في نقطة مهمة ..هل معاك سيارة ..؟؟ ولا باصات وقطارات .؟؟
اذا سيارة ..أنصحك تاخذها من فرع سيكت اللي في لوراخ بالقرب من محطة القطار...أوفر .اولا تقسيم الايام ال15 ان شاء الله راح يكون مبدئيا ...((اذا معاك سيارة طبعا ..واذا قطارات ..راح تختلف شوي))
اليوم الاول يوم الوصول ..مطار بازل ..المسمى بمطار اوروبا ..والواقع على الاراضي الفرنسية.
الذهاب الى لوراخ ..وقضاء بقية اليوم في بازل...15 كم بينهما.
اليوم الثاني:
زيارة شلالات الراين ..,والتمشي في مدينة شافهاوزن.
اليوم الثالث:
زيارة مدينة الالعاب اليوروب بارك .
اليوم الرابع:
زيارة لوزيرن وقمة تتلس.
اليوم الخامس :
زيارة الزحليقة الصيفية في تودناو ..وبحيرة تيتسي.
اليوم السادس
زيارة بادن بادن وستراسبورغ الفرنسية.
اليوم السابع :
زيارة بحيرة كونستانس ومتحف الحياة المائية وحديقة الورود انسل ميناو.
اليوم الثامن:
زيارة مزرعة الفراولة بالقرب من بازل .>>.wiesners Beeriland
وزيارة حديقة حيوان بازل.
اليوم التاسع :
زيارة منطقة انترلكن ..وزيارة بحيرة البلاوسيه وشلال التروميل باخ ..وكهوف ساينت بيتس.
اليوم العاشر:
الراحة ..وزيارة الارياف ..والتمشي في ملهاوس.
اليوم الاحد عشر :
زيارة مونترو ومصنع الشوكولاتة نستله...والمرور على بحيرة نيوشاتيل.
اليوم الثاني عشر:
زيارة الينابيع الحارة في باد كروزنقن ..وزيارة قرية كولمار الفرنسية.
اليوم الثالث عشر:
زيارة زيورخ ..زيارة متحف التكنوراما
اليوم الرابع عشر:
زيارة ألعاب Berg-Wild-Park Steinwasen
وزيارة فرايبورغ
اليوم الخامس عشر:
التمشي في بازل ..وزيارة اوتلت BIG STAR Factory Outletهذه عبارة عن اجتهادات شخصية ..بإمكانك التعديل فيما بينها ..او الغاءها .
منطقة انترلكن مليئة بالانشطة ..لكن اخترت لك بعضا منها .
الغابات السوداء جميلة جدا ..ويكثر مصانع العسل فيها (ايش اكل وايش كريمات وايش صوابين ..وغيرها من المنتجات)
هذا احد المصانع واسمه
Honig-Schmidt
وموقعه
http://www.honig-schmidt.de/
وهذا متحف لمصنع أقمشة اسمه
The BRENNET textile museum
ويفتح ايام الخميس والسبت والاحد
بإمكانك زيارة شتوتقارت ..وفيها متحف البورش ومتحف المرسيدس..وايضا بالقرب منها مدينة الاوتلت ميتزقن.
نقطة مهمة ..المولات والمحلات التجارية تكون مقفلة يوم الاحد ..فيجب اخذ الحيطة من هذه الناحية.
واغلب الانشطة تقفل الساعة السادسة مساءا.
اما المحلات تقريبا الساعة السابعة مساءا ..ما عدا الجمعة ..الساعة التاسعة.
الخطوط السريعة في ألمانيا والتي تبدأ بحرف (A) تكون مفتوحة السرعة.
مثلا خط (A5) اللي جاي بإمتداد الخط السريع من بازل ..والواصل الى وسط ألمانيا.بإمكانك قراءة الدليل السياحي السويسري ..المثبت في البوابة
https://artravelers.com/p/re/51030
وايضا المرور على هذا الموقع الجميل:
دليل سياحي، معلومات سياحية عن مختلف المدن والمناطق فالعالم. صور، خرائط، حالة الطقس، فنادق، مواصلات، مواقع وجولات سياحية http://duwal.com/ar/?ln=ar
ورحلة سعيدة أخوي.

الله يعطيك العافيه مااقصرت وشكل الخطه روعه ..
بس ودي اسالك وش رايك في لوقانو + وش افضل الاماكن فيها ..
وش افضل الاوت لت في اوربا ,,وارخصها ..
واسف ع الازعاج ..

نسيت اجاوبك انا باستاجر سيارة ان شاء الله ..
بس وش رايك اشتري السوويس هاف باس اولا مايحتاج ..
او اخذ قطار بدال السيارة احسن ( سويس باس ) ..؟؟؟

والله يا طويل العمر ..الاوتلت منتشر في انحاء اوروبا ..واذا ما رحت في مواسم التخفيض ما راح يفرق ذاك الفرق اللي عليه الكلام عن المحلات اللي بره.
هذا مجموعة منتشرة في اوروبا
http://www.chicoutletshopping.com/en/home/home
وهذه مدينة الاوتلت
http://www.outletcity.com/en/metzingen/
وانا اشوف السيارة افضل وامتع ..وما تحتاج السويس باس.لوقانو بعيدة شوي عن لوراخ ..وفيها عدة انشطة قريبة منها ..مثل مصنع الشوكولاتة ألبروز ووادي فيرزاسكا ومتحف السويس ميني وبعض المطلات .
وبإمكانك زيارة بحيرة كومو الايطالية وميلان لقربهما من لوقانو.
ويوجد اوتلت بالقرب منها اسمه الفوكس تاون.وبالتوفيق.

الله يعطيك العافيه ماقصرت ..
طيب ودي استفسر هل فيه سيارات تتسع ل12 شخص غير محدودة الكيلوميترات ...
+
وش افضل طريقة اروح فيها لباريس ..
وش محطات القطار من بازل الى باريس ..

والله يا طويل العمر ما خبرت سيارة 12 راكب..لكن تسعة موجود.احتمال تحتاج سيارتين.
بالنسبة للذهاب الى باريس..بإمكانك من محطة القطار الرئيسية في بازل.
وبالتوفيق

طيب كيف احجز على محطة القطار وش موقعهم ..