- الموضوع بين من عنوانه
الموضوع بين من عنوانه
المكان نقلس السكن dmالساعه السابعه مساء كنت ان وزميل اثنان فقط في السكن اخذ يشتكي من جنبه الايسر كل 10 دقائق يشتكي والالم يعاوده قلت وش المشكله قال ظهري قلت انامتخصص مساج ارقد اوريك في ظهر باذن الله ماتاخذ ساعه الا انت حصان دلكته وقلت عساك تمام قال مازادني تدليكك الا الم اقلب وجهك انت يمكن سبب الالم قلت انت مافيك الا جني يمكن امزح معه بعد شوي زاذ الالم قلت مالك الا المستشفى قال لا بس شوي ويطيب ماطاوعته اتصلت بالفندق قالوا اليوم ويك اند مافيه الا اسعاف يقلعه للمستشفى قلت بلاش ماحصلت الا دباب شلته عليه كنه ذبيحه رحنا لمستشفى امادو جارسيا خاص للطواري قالوا وش فيه قلت ما ادري ظهره ولا بطنه الرجال يتلوى من الالم وينخاني قلت ابشر بسعدك بس طول بالك الدكتور المناوب قال يمكن الكلى عنده بس تجون باكر للاستشاري العصر عطانا علاج وحقنه خف شوي قلت نبي تنويم ما فيه روحه ورجعه والرجال كذا قالوا فيه غرفه ديلوكس ب5000 بيسو او غرفه ب1600 بيسو مشتركه قلت لا نبي الديلوكس الخاصه فكرت انها فايف ستار صارت اي كلام سرير ممتاز للمريض وانا مرافق معه نايم على لوح كسر ظهري ولا وجبات للمرافق المهم دخلناها الساعه 8 وجلسنا الى الساعه 3 الصباح بدون نوم بعدها نمت من التعب الى 5 الصباح صلينا الفجر وفوق سريره علامة الصليب قال ماتبي نكسره قلت لو تكسره احذفوك من الدور الثالث (مريض وشره فيه )جونا الصباح قالوا الدكتور مايجي الا باكر العصر قال نبي نطلع مليت قلت لهم نطلع ونجي باكر العصر جلوسنا ماله فايده وخاصة انه طيب مايشتكي من شي طلعنا الصباح والرجال حصان من باكر الفجر عاوده الالم قومني من النوم قال مشينا انا تعبان طمرت معه على الدباب وهو التاكسي هناك مرة ثانيه للمستشفى عطوه حقنة ورجعنا في نفس الوقت طاب الرجال منه العصر جينا للموعد عند الاستشاري وهو ابن مالك المستشفى تخصص مسالك سوى اشاعات كثيره قال عنده ( حصاة كبر راسه) من عندي هذي في المسالك عطانا علاج وشرينا من الصيدلية الباقي والاشاعات كلها ب500 بيسو والكشف والعلاج ب1000 بيسو قال هو وش ياكل قلت كل شي ياكله ومزحت مع الدكتور قلت ياكل حصا كل يوم وبعدها رجعنا وهو طيب للسكن قلت اهم شي انك ماتكلم حتى ما تحرك الحصاة من مكانها قال ما جابه لي الا انت ترفع الضغط وجاني من البلا قابلنا زملاء في نفس السكن ونعم الرجال وعرفوا بالحاله وسموه ابو حصاة لكن واحد منهم جاه حمى يوم كامل وشفاه الله كله من تطنزه على خويي اما الباقين ما خلوا العياره عليه وبن ابو حصاة -طلع حصاتك نبني فيها حسبي الله عليهم شبوا عليه بس الحقيقة ( يستاهل من يعلق عليه ) وانا معهم الخلاصة ( الخوي زين بالرحله مهما كان لمثل هذه الظروف وسلامتكم
