هلا فيك ومبروك الزواج مقدما
اولا حجزت تذاكر وله بعد ؟؟
2- كم يوم الرحله ؟؟
3- ما رايك بستبدال روما بميلان افضل لك واقرب بكثير ؟؟ وخصوصا انه شهر عسل ورحله مو طويله بالقطار مثل روما من فينيسيا ..
بالانتظار

هلا وسهلا ابوعمر
لا مابعد حجزت
بحجز بالقطريه ان شاءالله هاليومين
المدام ودها بروما اكثر من ميلانو
ومانيب رادها بخاطرها
رتبني الله يرحم والدينك والله اني محيوس مره
الرحله 15 يوم

هلا فيك
روما مشكلتها انها بعيده عن فينيسيا بالسياره 5 ساعات ونصف
ميلان بحدود 3 ساعات .. عموما
ممكن تقسم الرحله كالاتي .. ميونخ 4 ايام ثم زيلامسي 5 ايام فينيسيا يومين وتسلم السياره فيها .. ثم الى روما او ميلان بالقطار 4 ايام .. شلنا انسبروك علشان ما تكون هناك تنقلات كثيره
لو ادخلنها بيكون المخطط هكذا ميونخ 3 ايام زيلامسي 5 ايام انسبروك يومين فينيسيا يومين روما 4 ايام
انا ارشح الاول علشان ماتتعبون بالتنقل كافي 4 مدن .. وخصوصا ان الرحله من زيلامسي الى فينيسيا طويله تصل الى 4 ساعات ونصف واحيانا 5 ساعات ونصف
تحياتي

الله لايهينك يابوعمر ويخلييك يارب
طيب مانقدر ندخل بالمخطط قارمش؟؟
مهيب تكون على الدرب وانا رايح الى انسبروك؟؟
وش تنصحني قارمش ولا زيلامسي؟
ومن فينيسيا الى روما بطلع بالطياره اريح لنا بكثير
وش رايك يابوعمر؟

لا تكثر تنقلات وانا اخوك
من ميونخ اتزور غارمش 90 كيلو تقريبا تزورها يوم وترجع .. او العكس تسكن بغارمش واتزور ميونخ منها على حسب ميولك ريف او مدن
اما انسبروك تقدر اتزورها يوم كامل من زيلامسي المسافه 150 كيلو .. زيلامسي اجمل واحلى واكثر وناسه ورائعهه لشهر العسل ..
اما بخصوص ايطاليا .. والطيران الداخلي راجع فيها بوابتهم .. ما عندي علم عن الامكانيه
تحياتي

الله يعطييك العافييه على النصايح بالغالي
من جد ماقصررت
طيب السياره هل تنصح اني استاجرها من المطار وتكون معاي في ميونخ ؟
ولا وانا طالع من ميونخ استاجرها؟؟
الفنادق يوفرون مواقف للسكان؟؟
كيف الجو بيكون بميونخ في جولاي؟؟
ثقلت علييك ابوعمر مرره
من سابق تجربه لك وش تنصحني بالسكن؟
عندك احداثيات للمدن؟
الله يعطيك العافييه يابوعمر وماقصررت ابد يالغالي

بميونخ ما تحتاجها كثير
كل شي انا كاتبه عن باقي الاسئله .. حتى غارمش اتروح لها بالقطار لو تحب الرحله دايركت ,, بمعنى اخذها من اخر يوم
السكن والسياحه بميونخ وغارمش هنا
https://artravelers.com/p/re/420003
احداثياتك بميونخ هنا
https://artravelers.com/p/re/432357
السكن بزيلامسي هنا
https://artravelers.com/p/re/354556
الفنادق توفر بميونخ وزيلامسي بالغالب . طبعا بفلوس وتتراح الاسعار
تحياتي

الله يعطييك العافييه يالغالي
واذا توهقت ترا برجع لك على طوول
ماقصرت والله يفتحها بوجهك وين مارحت ويسهل دروبك
الجو كيف يكون في ميونخ بجولاي؟؟
امطاار؟؟

هلا فيك
ابشر ارجع متى ما تحب
الجو بشهر 7 صيفي طبعا وحراره اكثر بايطاليا واشد .. بزيلامسي ابرد ان شاء الله
والله يوفقك