اهلين اختي...مبروك قررتو تروحون لباريس خلاص
بالنسبه للفنادق اقرئي المواضيع الخاصه بالفنادق وياكثرها عندك موضوع للأخت سفريات وموضوع للاخت بنت الصقور وغيرها وغيرها بس همتك في البحث واختاري اللي يناسبك
انا لما رحت سكنت بالميريديان4 نجوم وكان ضيق والغرفه ماكنت من الغرف العاديه!!بس نظيف ومرتب وكله عرب
حاولي تدورين على شقق احسن لاطفالك لانك بتحتاجين المطبخ....والمنتدى مليان معلومات عن شقق وفنادق
بالنسبه للتنقل لسويسرا عند بر وجو وصراحه يمدحون القطار بس لسه مارحت ...
بالتوفيق

فيه فندق ممتاز (RENAISSANCE) في اللادفانس وهو تابع للماريوت والمنطقه جدا رائعه كل مارحت لباريس اسكن فيه وعنده محطة مترو قريبه جدا وممتازه للعوائل وفبها ايضا سوق كبير وسينما رائعه اسمها (done) فيها افلام باللغه الانجليزيه لم تدبلج بالفرنسيه كأغلب الاماكن وسعر الليله فيه 270 يورو اما في السبت والاحد 125 يورو وبالتوفيق

حالياً أنا جالس أسأل عن العروض في المكاتب السياحية ورحت لأكثر من واحد , وبحثت في عدد كبير من المواقع الموجودة على الانترنت وبصراحه لقيت فنادق كثيرة وبأسعار متفاوته ,, الى درجة اني صدعت من كثر ماأدور لكن الخلاصه هي إني لقيت أقرب الفنادق الي على الشانز وبأسعار معقوله وهي :
1- فندق رشوستر ( تقريباً 800 ريال شامل الافطار + الضرائب)
2- فندق كلاريج بيلمان ( تقريباً 900 ريال شامل الافطار + الضرائب)
3- فندق كالفورنيا ( 1100 ريال شامل الافطار + الضرائب) (يبعد عن الشانز بالضبط 10 متر وهذا الي قررت اسكن فيه خاصة ان اغلب الخليجين يتواجدون فيه مع ان فيه ناس كثير مالها تشوف خليجيين)
طبعاً الأسعار حصلت عليها عن طريق مكتب اسمه النقاط الذهبيه في الرياض - حي العليا (داخل فندق الخزامى), وهذا المكتب يعتبر ارخص مكتب مريت عليه.
يوم 1/6/2005م مكتب الصرح الواقع على طريق الملك فهد -الرياض- بينزل عروض يمكن تكون أرخص من الي ذكرتها لك.

• * طبعاً في فندق اسمه الميرديان (على نفس شارع الشانز ولكن غالي) و ( فندق كلاريج وهذا بعد غالي)

هذا الي عندي وبالتوفيق*****