صباح الخير أختي الكريمة
أنا باحاول أرد على بعض الإستفسارات حسب علمي وإن شاء الله أفيدج
3 أيام وايد على سيلانغور يكفيها يومين المنطقة صغيرة ونشاطاتها محدودة
أفضل فنادق بينانغ من اللي ذكرتيهم هو البارك رويال ثم الغولدن ساندس وأخيراً البي فيو بيتش
بس بعد أجوف 3 أيام كفاية على بينانغ إلا إذا تحبين الجزر وتستهويج الأنشطة البحرية والرحلات
لنكاوي ماحبها وماعندي عنها أي فكرة سمحي لي وإن شاء الله الأعضاء مايقصرون
كوالامبور يكفيها 5 أيام وأفضل الفنادق اللي ذكرتيها هي رويال شولان ثم التريدرز إذا ماكانو بنفس المستوى لكن مواقعهم مختلفة
الرويال شولان قريب من شارع العرب أما التريدرز فهو أقرب إلى البرجين وبصراحة بعد يمدحون الويستن بس ماجوف إقبال عليه مثل الرويال شولان والتريدرز
أفضل موقع حجز هو البوكنج ويليه أغودا وجيكي موقع الفندق نفسه وبعدين قارني أحسن لج
بالنسبة لجنتنغ نصيحة من أخت ومن كل قلبي حرام تروحين لها زيارة لآن جنتنغ تستحق المبيت ليلتين وبقوة
بورت ديكسون ماعندي أي فكرة عنها بس أجوف أغلب المسافرين يسترخون فيها ليلة قبل العودة إلى الديار
ملاحظة أخيرة أتمنى تتقبلينها هالموضوع المفروض يكون في قسم الإستفسارات مع إحترامي لج

صباح النور
ومشكورة على اهتمامك بس ودي اسالك اش الفندق اللي في جنتنق واش موجود فيها غير مدينة الالعاب
وكيف انقل موضوعي لقسم الاستفسارات

أفضل فنادق المنطقة هو الفيرست وورلد أما أفخم الفنادق هو مكسيم وجوفي اللي يناسبج
جنتنغ جوها يرد الروح براد حلو يحبه قلبج هذي مدينة الوناسة والضباب في ماليزيا
عن نفسي أقضي يوم الوصول في الألعاب الداخلية واليوم الثاني في الألعاب الخارجية
هلون أعطي كل مكان حقه وأستانس لين أشبع في هالجو الحلو
وفيها مزرعة الفراولة بس أنا للأمانة مازرتها وفيها التلفريك مايتفوت الصراحة
بالنسبة لنقل الموضوع راجعي المشرفين ومابيقصرون إن شاء الله

مشكورة اختي وماقصرتي الله يحفظك