طبعاً كلكم تعرفون موضوعي على هالرابط
https://artravelers.com زانا حبيت انقل لكم اخر التطورات اللي صارت والحمدلله
الله يعطيكم العافي وما قصرتوا
وشاكر لكم ردودكم وتفاعلكم الحار معاي
وهذا ان دل فانه يدل على طيبكم وانكم قدها
بس الحمدلله ابشركم باللي صار بالضبط
انا امس (السبت) رحت البحرين على الساعه 11 ونص طارت الطيارة
على الطيران البريطاني وسعر التذكره 610 ريال قطري
والسكن بيت الخاله الله يحفظها
وعلى الساعه 9 وربع انا في السفارة السويسرية بالبحرين (طبعاً ماعندهم سفارة بس مكتب للقنصلية)
موقعها في مجمع الشيراتون في الدور الخامس
وعلى طول قدمت الطلب بكامل المستندات المطلوبه
وبعدها قالت لي الموظفه انها راح تجهز يوم الثلاثاء وقلت
لها لا شلون :112:انا مستعجل ومسافر يوم الثلاثاء الفجر يعني يوم الاثنين في الليل
قالت لي ابشر بعزك وما طلبت شي
بس لازم تدفع 250 ريال
قلت ادفع ابوها
قالت لي خلاص تعال اليوم العصر الساعه 5
والحمدلله بفضل من الله رجعت لهم الساعه 5 والا الفيزا جاهزه
على طول لفه سريعه في البحرين
وعلى المطار لانه رحلة العوده على الساعه 8 و10دقايق
ولحمدلله رجعت بالسلامه
وان شاء الله راح ازور سويسرا انا والمدام ولا حد يقدر يقولنا برم
وطبعاً صج اني اخرت السفره لمدة يومين وانا هاليومين خصمتهم من باريس
فبالعربي كنسلت اول ليلتين في باريس
فباريس راح تصير 3 ليالي بدلاً من 5 ليالي
جنيف لليلتين
لوقانو 3 ليالي
انتر لاكن 4 ليالي
سالزبورغ ليلتين
زيلامسي 4 ليالي
ميونخ 6 ليالي
وان شاء الله كل التنقلات راح تكون بالقطار نفس التسلسل والترتيب الموجود
واي نصيحه لا تبخلون علي فيها
علماً اني مسلفر تاريخ 31-7 الفجر الساعه 4 على الامارات ومن الامارات على باريس على الساعه 8 الصبح
الوصول الى باريس ان شاء الله الساعه 1 وشوي الظهر
مع العلم اني اول مره اسافر لاوروبا سياحه
وياريت لو تفيدوني بنوع السويس واليوريل باس اللي تنصحوني فيه(ضروري)
