المنصوري7
12-12-2022 - 07:29 pm
السلام عليكم يالحلوين
ابا فزعتكم معاي ابا اسافر ايطاليا و سويسرا بس وفي ايطاليا ابا فينيسيا و بحيرة جاردا و ميلان و في سويسرا ابا اروح انترلاكن بس مش عراف من وين ابداء ابا احد يساعدني في ترتيب جدول حق الرحله وابا نصايحكم ياهل الخبر اجر سياره ولا اروح بقطار انا ان شاء الله على 14 او 16 ديسبر لين 30 ديسبر ابا اسافر بس مب عارف اي مطار اروح فينيسيا ولا ميلان و في سويسرا وشو الاماكن اللي تنصحوني فيها ابا همتكم معاي ياحلوين
لانه استفدت كثير من الموقع الجميل
انا رحت ميلانو وثاني يوم رحت القطار خذت قطار سريع الى كومو ورجعت بنفس اليوم
وثالث يوم رحت لوقانو السويسريه قريبه جدا من ايطاليا وجميله ويسمونها سويسرا المصغره
ورابع يوم ايضا بالقطار رحت جاردا ولما تنزل جاردا اذا عندك ساعه محدده تحجز الرجوع بعد خمس ساعات اربع ساعات اولما تخلص وترجع لنفس المحطه تقول اقرب قطار الى ميلانو متى يجي وتحجز له
وبعدها رحنا فينيسيا يومين بفينيسيا وثالث يوم رحنا فيرونا بالقطار مدينة روميو وجوليت ورجعنا لفينيسيا
ورابع يوم بالقطار الى روما
يومين بروما وثالث يوم رحنا برج بيزا
والايام الباقيه قضيناها بروما
انت طبعا شوف المخطط لانه مرتب جدا وشوف اللي محتاجه
اما انترلاكن تقدر تروح لمحطة القطار تقول فيه انترلاكن قطار سريع اذا فيه حلو اذا مافيه تقدر تروح طياره او سياره