حمود 2014
13-12-2022 - 01:51 am
السلام عليكم ورحمة الله وبركاته
أنا سعيد بتواجدي معكم وصار لي اسبوع احاول اسجل في المنتدى عشان أشارك معاكم وافيدكم واستفيد منكم إن شاء الله وأكون عند حسن ظنكم .
من خلال بحثي بين مواقع الانترنت صار بخاطري أزور ماليزيا
زيارتي لها إن شاء الله بتكون على نهاية شهر مارس 2015 خ يعني بعد 6 شهور إن شاء الله
عاد من كثر الحماس ابا اجهز من الحين وارتب للسفرة واعرف شو الاماكن اللي تستحق الزيارة
عدد الايام المتوقعة : 10-12 يوم
عدد : الاشخاص : 5 حاليا
المعلومات اللي محتاج لها :
الاماكن اللي تستحق الزيارة في كوالالمبور والفنادق اللي فيها ولكن مع مراعاة الاسعار واتكون قريبة من الاماكن ؟
الاماكن اللي في لنكاوي وبينانغ والفنادق فيها ؟
وكم يوم تكفي لكل مدينة ؟
وكيفية الانتقال من مدينة الى أخرى ؟
وماهي المدن الاخرى غيرها التي تستحق الزيارة ؟
وهل اسعار المطاعم والتكاسي غالية او مناسبة ؟
وهل الجو مناسب ؟
وشكرا
حياك الله أخي الكريم بين اخوانك وبإذن الله تفيد وتستفيد
باقترح عليك أفضل جدول لمدة 12 يوم من وجهة نظري :
يومين سيلانجور .. فندق الصن واي لاقون أو البيراميد وهي في منطقة حيوية جدا وفيها جميع الخدمات ..
3 أيام لنكاوي .. بيلانجي بيتش أو فرنجيباني هذي الفنادق في منطقة وشاطئ حيوي جدا
الدانا والوستن أبعد قليلا وأغلى وأفخم ( قريب منها خدمات ومطاعم تلاقي فيها جميع مستلزماتك ) ..
3 أيام بينانج .. أنشط وأشهر منطقة هناك هي شاطئ وشارع الباتو فرنجي
فندق القولدن ساندس أو الهوليداي ان والبعض ارتاح للبارك رويال والبعض ذمه ومنهم أنا
4 أيام كوالالمبور .. أنصحك بالسكن في منطقة البرجين منطقة راقية ومرتبة جدا وعلى قد فعالياتها ونشاطاتها إلا انها مريحة وماتحس بالإزعاج
فندق تريدرز جميل جدا وسعره أرخص من الفنادق المجاورة له
أو لو حاب شارع العرب في قلب منطقة التسوق فندق الماريوت أو الوستن أو قراند ملينيوم
وشحصيا ما أنصح بالسكن هناك ولك حرية الاختيار أستاذي
بالنسبة للبرنامج اليومي يتحدد بعد ما تستقر على الجدول
المواصلات .. الطيران هو أسهل وأسرع طريقة
لكن لو حاب تغير تقدر ترجع من بينانغ إلى كوالا بالباص الفخم ايرولاين
وتجد مكتبهم في كونسبي مول بالقرب من المطار
أما إلى لنكاوي لا يوجد طريقة إلا الطيران
أتمنى لك رحلة ممتعة بإذن الله
أختك .. شموخ