عليكم السلام ورحمة الله وبركاته
أختي هذا الفندق أنا سكنت فيه في صيف 2006 في رحلة عمل
وسبب حجزي لهالفندق هو استضافة ألمانيا لكأس العالم وبالتالي ما لقينا فندق ثاني أفضل منه
بالنسبه للغرف اللي سكنا فيها كانت صغيره جداً والخدمه عاديه وماهي سيئه .....
بخصوص الموقع فهو ممتاز لأنه يقع بالضبط مقابل محطة الهابتبن هوف وهي المحطه الرئيسيه في ميونخ
وقريب من أماكن تجمع الخليجيين ....
والفندق يبعد أقل من 5 دقائق مشي على شارع المشاه ... يعني قريب جداً
اتمنى أني أفدتك وأي استفسار أن حاضر

هلا نورة..
بخصوص فندق ايدن انا توني راجعه من ميونخ ودخلت اشوف غرفه من باب الاطلاع..غرفه واسعه ونظيفه والسويت عندهم وايد حلو..
موقعه ممتاز مقابل محطة القطار الرئيسيه ويبعد عن المارين بلاتز (منطقة السوق) حوالي 10 دقايق مشي يعني اول ماتطلعين من الفندق على يدك اليسار امشي سيده وراح تلقين نفسج قدام النافوره المشهورة وبداية شارع المشاة..المنطقة امان وهاديه جدا انا حبيتها وايد.. ملاصق للفندق مطعم صب واي الشهير ولاتنسين اهمية وجود محطة القطار امامه اللي فيها المطاعم والمخابز وغيره وغيره..
وبالنسبه لشارع الماركات ممكن توصلين له مشي بالاقدام من خلال شارع المشاة او بالترام العجيب اللي يسهل عليك الامور ويوفر عليك عناء المشي ههه...
بجنبة فندق ال nh وهالفندق سكنت فيه العام الماضي بعد نظيف وجديد ونفس الاسعار تقريبا..
تحياتي

هلا اختي
والله ماجربت هالفندق بس سويت بحث عنه
Eden Hotel Wolff München | Herzlich Willkommen!
هذا رابطهممكتوب ان
The Eden Hotel Wolff is located within 15 minutes walking distance from Munich’s old town. If you prefer discovering Munich’s sights by S-Bahn, Subway or Streetcar, there are various stops of all means of transportation in close vicinity to the hotel.
Travelling to Munich's Exhibition Centre by Subway (U2) from main station will take you only 20 minutes.
The Airport Shuttle Bus that stops opposite the hotel will bring you straight to the airport within 45 minutes.
يعني يبعد 15 دقيقه مشي عن مدينه ميونخ
جنبه محطه اندر قراند ... و قريب المحطه الرئيسيه
وجدامه محطه باص ،،، ( وبينه وبين المطار 45 دقيقه) . . .
ومن الخارطه انه شوي بعيد من شارع الماركات MaximilianStraBe
(الي يبعد عن المارين بلاتز (شارع المشاه) 5 دقايق مشي ) . . .بليز المفروض الموضوع في ساحه الاستفسارات مو هنا ..عشان مانزعل ولا مشرفنا يزعل

الأخ كتاب الذكريات
شكراً كثير على التوضيح ويشرفني مرورك

• - - - - - - - - - - - -

الأخت قطرية مسافرة
مسكت راسي كلام الأخ كتاب الذكريات وكلامك متناقض من ناحية الغرف !!!!
بس أنا عملت بحث عن الأوتيل لقيت أسعار الغرف متفاوته كلام الأخ كتاب الذكريات وكلامك صحيح
شكراً كثير على مرورك ويشرفني

• - - - - - - - - - - - -

الأخت ساره2007
شكراً حبيبتي على إجتهادك والله لا يحرمني منك إن شاءالله

• - - - - - - - - - - - -

بس حابه أعرف حالة الطقس في ميونخ بالليل برد :11ld: وإلا لا
يعني يحتاج ملابس ثقيلة مثلاً جاكيتات :11ld: ؟؟