السلام عليكم ..
الاخوه الخبراء في تايلند ..
آمل منكم افادتي ولكم التحيه ..
اول مره اسافر تايلند ..
وعندي كم استفسار ..
عدد الأشخاص : 4 شباب ..
الميزانيه المتوقعه : 25000 ريال ( غير شامله لتذاكر الطيران ) ..
المده : 14 يوم تبدأ من 21 سبتمبر ..
نخطط نطلع على طيران الإمارات جده - دبي - بانكوك .. ذهاب وعوده ..
وسعر التذكره طالع بحوالي 3500 ريال سعودي للراكب الواحد..
هل السعر مناسب ؟ او هل هناك خطوط تكون أرخص ؟
الحصول على الفيزه في المطار هل هو اجراء معقد ؟
وهل ينفع البخشيش
هذي اللي مخطط عليها
بانكوك - بتايا - بوكيت
وسأوزع الأيام عليها ..
بماذا تنصحوني ؟
وهل هناك مدن أجمل منها تستحق الزياره ؟
هل 25000 ريال ستكون كافيه لمدة اسبوعين ولأربعه أشخاص ؟
والمبلغ غير شامل تذاكر الطيران ..
انا لا احب السكن في الفنادق ..
احب دائما استئجار فله خاصه صغيره تتسع لأربع أشخاص ..
او شاليه في منتجع ..
او شقه كبيره ..
وهل اقدر استأجر شغاله تطبخ أو تنظف ..؟
كم أسعار الفلل الصغيره باليوم ؟
وكذلك اسعار الشاليهات في كل المدن التي سأذهب إليها ؟
كم متوسط الصرف اليومي للشخص الواحد
علماً بأن القروب راعي وناسه ورحلات يوميه ومايبخل على نفسه ...
وأي نصيحه ثانيه اكون شاكر ومقدر لكم
بالنسبة للطيران الدولي الاماراتيه حلوه بس شوف الخليج اذا تبي ارخص او الاتحاد والقطرية الي بنفس مستوى الماراتيه ويمكن احلى .
الفيزا اجراء سهل وغير معقد خاصه اذا كان موعد وصولك صباحا مايكون فيه زحمه .
بالنسبة ل 14 يوم مدة مناسبة انصحك بالترتيب التالي
7 ايام بوكيت
5 ايام بتايا
يومين بانكوك
بالنسبة للسكن ، مانصحكم بالسكن في فلل وشاليهات بما انكم 4 شباب انصحكم تحجزون غرفتين في فندق ، لان الفلل في بتايا بعيده عن الاماكن السياحية وفي بوكيت افضل الفلل تكون خارج شاطئ الباتونغ الشاطئ رقم واحد في بوكيت وفي بانكوك لاتتوفر هذه الفلل .
اذا اقتنعت بالفنادق بلغنا وبننصحك بفنادق مجربه وسعرها حلو ان شاء الله ، سعر الليله يتراوح بين 300 و 600 ريال كجد أقصى .
فكرة الشغاله غير موجوده في تايلند وماتحتاجها .
بالنسبة للميزانية صعب احدد لك لان تختلف من شخص لي آخر ، بس احسبها تقريبا للشخص الواحد 2500 بات بدون السكن باليوم .
اي استفسار ثاني لاتتردد .. تقبل تحياتي وننتظر آراء بقية الاخوان .