عندي سؤال.. هل اسكن في ملقا أو ماربيا؟
انا سفري قريب وكنت مثلك محتار , لكن الشباب نصحوني أسكن بملقا لسهولة المواصلات فيها

أنا أنصح بالسكن في ماربيا
ولو حبيتوا سكن أرخص اسكنوا في فنخيرولا أو بينا المادينا
لكن ملقا ما أنصح فيها لأنها بعيدة
وبصراحة لازم يكون معكم سيارة

zaman99s
مشكور اخوي على المداخله والنصيحه الحلوه..
طيب ايش رايك في هالفندق في ماربيا Apartamentos Princesa Playa
وإذا ممكن بعض المعلومات عن ماربيا والمناطق السياحيه يعني برنامج لمدة 5 أيام لوسمحت؟؟

بوربيعه
هذا الموضوع راح يفيدك
https://artravelers.com/p/re/180134

هلا بوربيعه وحياك وحيا أهل البحرين العزيز
نصيحه بوربيعه
لو تبي شوري
لا تروح مدريد
ما فيها شيء يستاهل
أنا أعتبر برشلونه والجنوب الأسباني أفضل بكثير
وراح تخسر وقت كثير في التنقل من وإلى مدريد
بالنسبة للسكن في ماربيا أو مالقا
بلاشك السكن في ماربيا أفضل بكثير لأنه قريب من المناطق السياحيه.مثلاً فنخوريلا والبورت بانوس.
بالنسبة للفنادق .. بصراحه أحس كل واحد له ذوقه .. بس أهم شيء يكون قريب من الشوارع الرئيسيه.
موفق

Rawwwaf
اسمح لي أنا ضد ها الكلام عندي مدريد أفضل من برشلونة بكثير
خاصة المجمعات التجارية والحدائق والمناطق المحيطة بها

zaman99s
انه وياك في هالشي صراحه انه مليت في برشلونه مافي الا الرمبلا رايح راد يعني شنو برنامج غير !!!!

ra3yalbora
كلام سليم
وورد في تقريري في الرابط التالي بعض المناطق الجميلة قرب مدريد
https://artravelers.com/p/re/242358

السلام عليكم
الأخ العزيز / بو ربيعه
اولا هذه هي المشاركه الأولى لي في هذا المنتدي الرائع
وثانيا بالنسبه إلا سؤالك عن السكن في ملقا او ماربيا ، من وجه نظري السكن في ماربيا افضل ولكن اغلى بكثير من ملقا ، ولكن هل فكرت في فنخرولا او بنا المدينا ( وهي مناظق قريبه جدا من ماربيا وملقا وانا شخصيا استأجرت بها )
وثالثا عن سؤالك السكن في برشلونه كان سكني في شارع اللارمبلا واكثر الأماكن السياحيه قريبه منه ، اما مدريد فأنصح بشارع قران فيا استأجرت في فندق ممتاز جدا اسمه غاودي
وشكرا