- ومعي ايضاشنطة الاب توب ( اقدر اخليها معاي في الطياره ) ؟؟
بسم الله الرحمن الرحيم ...
السلام عليكم ورحمة الله وبركاته ...
يا اخوان الله لايهينكم , عندي (( قحشة )) من الاسئلة ...
ان شاء الله اربعة ايام وانا ب لندن ومن لندن ان شاء الله إلى لستر .. (( الله يسهل ويعين )) ...
يا غالين انا واحد عليمي والله شويه عليّ كلمة عليمي ,
من جد ماني فاهم اي شيء , فلذلك لا تستغربون استفساراتي ممكن تكون غبيه شوي ...
بداية الاسئلة يا اخوان واخوات ...
انا ان شاء الله من الرياض لمطار هيثرو .. معاي شنطة كبيره تحتوي على الملابس (( كم كيلو مسموح اشيله معاي ؟؟ او ما يحاسبوني على الكيلو )) ؟؟
ومعي ايضاشنطة الاب توب ( اقدر اخليها معاي في الطياره ) ؟؟
ومعي ايضا شنطة كتف فيها بعض الكتب ؟,, يسمحون بدخول الكتب مثلا ؟؟ اقدر اخلي هالشنطة معي في الطياره ؟؟ , ( يعني تكون الشنطه حقة الكتف وشنطة الاب توب معاي في الطياره ) والشنطة الكبيره تكون مع الشناط الاخرى ؟؟
هل مسموح ادخل معاي (( عطورات , كريمات مثلا ؟؟ شامبو ؟؟ صابون ؟؟ )) ياليت يا اخوان بالتفصيل الممل الله يجزاكم كل خير ..
ايضا يا اخوان الكاميرا اقدر اخليها معاي في الطياره ؟؟
(( بالمناسبه ياغالين , وش احسن كاميرا تنصحوني اشتريها )) ؟؟
ايضا يا اخوان بعد الوصول ان شاء الله بالسلامه , وش رايح تكون الاجراءات في المطار ؟؟
وش يكون معاي في جيبي , كم مبلغ من المال ؟؟ والجواز ؟؟ والتذكرة ( العوده )) ؟؟
طيب يا اخوان لنفترض بحول الله اننا وصلنا بالسلامه .. واستقرينا ان شاء الله في لستر مع العائله ..
انا ودي ياغالين .. كل ويكند اروح منطقه , مرتين اروح لندن مثلا ؟؟ مره اروح برايتون ؟؟ مره اروح كاردف ؟؟
هل بإمكاني اروح بالويكند ؟؟ وكم التكلفة بالضبط لشخص (( واحد عزوبي )) ..
وهل اقدر ازور هالاماكن االلي ماشاء الله الاخوان كل يوم منزلين موضوع وصور تدهش والله ...
يعني اللي اقصد يا اخوان كيف الوسيله للذهاب ؟؟ وكم التكلفه ؟؟ وهل هناك استأجر غرفه ؟؟ او كيف بالضبط ؟؟
أخوي ممكن تعلمنا انت من هيثرو الى كاردف راح تروح جو و الا بالقطار والا بالسيارة علشان تكون الصورة اوضح و على الي شركة؟
تقديري