حتى في عز الصيف تحتاج لجاكيت
الآن أتوقع والله أعلم أنك تحتاج لبسة واحدة شتوية والباقي صيفي بجاكيت اضافي

هلا والله ومرحبا : نوبة سياحية ..
وسعيد جدا بالمرور والرد ..
يعني الجاكيت فينا فينا
طيب هل تنصحني بأشياء ثانية عامة في فرانكفورت ؟؟؟
التنقل
الأكل
الزيارات
أشياء انتبه لها
الأمان
رحلتي الأسبوع القادم 5 أيام
ويومين منها ستكون بالقطار إلى هانوفر (( معرض CeBIT )
ولك كل تقديري وحبي
أخوك

اخي الذكرى الجميلة حبيت أقول لك لايفوتك مطعم : حافظ ريستورانت ( مطعم ايراني قرب محطة القطار الرئيسية ) مميز جدا
وكذلك المطعم اللبناني اللي يمدحه مشرفنا Boby
السكن قرب شارع تزايل (Ziel) رايق جدا وفي قلب الاسواق والنشاط
التنقل داخل فرانكفورت (كعابي) أو بالترام أو بالأنرقراوند
أنتبه للكاش لأن الألمان وخصوصا في فرانكفورت أحيانا يرفضون استخدام الفيزا ويطلبون كاش عند البيع عليك (خل عندك كاش للمشتريات)
البيكري والباستري رائع في فرانكفورت لكن الكافي لا يهتمون به كالطليان والانجليز
بامكانك مراجعة موضوع فرانكفورت لأخونا الغالي بوبي
وأي سؤال احنا في الخدمة
( كلمة راس ) : أنا في فرانكفورت بعدك بأربعة أيام تقريبا بس لا تعلم مشرفنا بوبي

فيه ريحة خيانه وانقلاب
تروحون وترجعون بالسلامه

أفا
على طول علمك الذكرى الجميلة
أخي الذكرى الجميلة شكلك ماتنعطى أسرار
تروح وترجع بالسلامة ياغالي

هلا ومرحبا نوبة سياحية ...
بالنسبة لمطعم : حافظ ريستورانت ( مطعم ايراني قرب محطة القطار الرئيسية )
هل هذا مكانه

ولك كل تقديري ومحبتي

لا تاخذ كاش كبير خذ لك شي يمشيك من المطار للفندق وزود شوي والباقي الله يخلي الكاش مشين
أما سالفة وش عندي مع فرانكفورت فالمسألة لا تعدو كونها زيارة بزنس
موفق ياغالي

هلا والله بالغالي ..
طيب هل أصرفه من مطار الملك خالد وإلا إذا وصلت مطار ففرانكفورت ؟؟
باقي 3 أيام على رحلتي
لك تقديري

اصرفه من الرياض أي بنك أفضل من سعر المطار ( الفرق بسيط بس البعض يهمه )
مطار فرانكفورت متاهة من جد ..
للخروج من المطار اتبع لوحة مخرج وهي بالألمانية : Ausgang انتبه لها جيدا لايوجد انقليش بلوحاتهم ..
يعني ممكن يصير لك مثلي قبل 11 سنة جلست ساعة كاملة أدور مخرج المطار