السلام عليكم ورحمة الله وبركاته
كيفكم يا أعضاء المنتدى الموقرين
طلعت عيوني وانا مبققتها في الكمبيوتر والا بهالخرايط والبروشورات اللي عندي واحترت ولا ادري وش اسوي
فقلت مالي الا اخواني وخواتي هنا
تكفون يا جماعة الربع ساعدوني
بقولكم على رحلتنا وانتم دبروني
اول شي ان شاء الله احنا رايحين في تاريخ 8/7/2006 والوصول يوم 9/7/2006
للمعلوميه عددنا 6 أشخاص
فكرت انه احجز في الصن وي لاقون ليلتين اللي هم اول ما نوصل ان شاء الله يعني بتاريخ 9/7 و10/7 والمغادره11/7 حلو الكلام ؟؟
بعدين نطلع على جنتينق ونجلس ليلتين بس مدري هل نسكن في فندق جنتينق هايلاندز ريزرت او فيه شي احسن ؟؟ وبنجلس فيها من تاريخ 11/7 الى 13/7
بتاريخ 13/7 بنروح على بينانج ان شاء الله وهنا تبدا الحيره اول شي بنروح بالسياره طبعاً بننزل على كوالا بعدين نروح بينانج صح علي كذا؟ الحيره في اختيار الفندق محتاره بين جراند بلازا باك رويال او برادايس صاندي او قولدن ساند كنت ناويه على راسا سيانق بس للأسف ما بعد افتتحوه
طبعاً في كل الفنادق بناخذ كونكتنق روم بس يوم سألت في قراند بلازا في بينانج قالوا لي الليله ب 2760 احس انه تو متش :112: فياريت تفيدوني وترسوني على بر لانه ما بقى شي وانا ما حجزت
نكمل الرحله بنجلس في بينانج من تاريخ 13/7 الى 16/7 بعدها بنرجع على كوالاا وبنجلس فيها الى تاريخ 26/7 قابله للتمديد
السؤال اي الفنادق افضل ماندرين؟ او التايمز سكوير ؟ او وش رايكم انتم ؟؟ مع العلم ان كل الفنادق 5 نجوم المطلوبه ياريت تدلوني على راي كويس عشان ارتاح
بعدين فكرت قلت اول ما نوصل نروح ليلتين بالخيول الذهبيه بعدين نكمل نفس الجدول واذا رجعنا لكوالا نروح اي فندق من اللي كتبتهم او من اقتراحكم واخر ليلتين نخليها في صن وي لاقون هذا وانا اكتب الموضوع جتني الفكره صازه
فما ادري بصراحه محتاره جداً جداً جداً وودي اهلي وخواتي ينبسطون لانهم معتمدين علي بالحجوزات
بالنسبه للتنقلات الوالد الله يحفظه مقترح انه ناخذ ميني باص طول الرحله ومنشن على حرمه تسوق فينا وتتكلم عربي فيه حريم يسوقون ميني باص ؟؟ جديده علي
معليش تحملوني وادري طولتها وطلبات كثر التراب بس الشكوى لله كلنا لبعض
ياريت احد يعبرني ويرد علي بأسرع وقت
وشكراً مقدماً