انا اشوف كمبنسكي حلو و مكانه مثالي .. في مول الامارات .. و سعره اتوقع 1800 ريال ..
بس اذا ما تبي زحمه .. خذ الفيرمونت او شنغريلا ..
و الافضل تستأجر سياره و تريح نفسك من التكاسي ..
بالنسبه للمطاعم و المقاهي فيه موضوع مثبت لافضل المطاعم في دبي ..و انت و ذوقك
اما الشيشه تلقاها في مارينا دبي .. بعد المغرب
و الظاهر سوق مدينة جميره .. بس ماني متأكده ..
سفره سعيده

عنوان الموضوع مو كذاا
يعطيك العافيه ( mzoon )
بس الموضوع المثبت عن المطاعم و المقاهي ما لقيته !! ممكن تحطين الرابط !
ومارينا دبي وشو .... مجمع ؟
وربي يعطيك العافيه

مارينا دبي تلقى صور لها في تقريري ..
تلقاه في توقيعي ما يضيع

في كثير من الفنادق في دبي 5 نجوم وسعرها أقل من 2000 ريال
تقريبا اغلب الفنادق حاليا سعرها اقل من 2000
عالعموم اذا كنت حاب شي على البحر
شوف فندق جميرا بيتش
واذا تبي شي قريب من البحر بس مايطل على الشاطئ وانما يطل على مارينا
فأنصحك بفندق جرفنر ماوس
وأما اذا تبي فندق فخم وسط المدينة (وهذي اغلب فنادق دبي بهالطريقة)
فأنصحك بفندق جراند حياة
أو أبراج الإمارات
وبالنسبة لوسيلة التنقل
أنا أنصحك بإستئجار سيارة
بس لو أول مرة تروح دبي، خذلك جهاز Gps
بالنسبة للمقاهي
اذا تبي مقاهي راقية:

• مول الإمارات فيه مطعم لبناني ومطعم مغربي
• مركز وافي فيه مقهى اسمه وافي جورميه
• مطعم ريم البوادي في الجميرا
• مرسى دبي

وعليكم السلام ورحمة الله وبركاته
حياكم الله يااخوي في دار الحي
الفنادق اختياراتها متعدده بس انا انصحك بفنادق مدينة جميرا رائعه ( فندق القصر- فندق ميناء السلام )

وهذي صور من فندق ذا مونارك والسموحه تصويري على قدي ههه بس غرفه واسعه ومريحه

كشخه تلفزيون في الحمام الله يكرمكم

فيه كمان فندق رافلز ..
راقي مره .. عند وافي سيتي ..
يمكن هذا اكثر شي ينفع لكم .. المنطقه هناك راقيه مره و هاديه ..

السلام عليكم
الاخوان ماقصر الله يعطيهم العافية ، وانا رأيي من رايهم
مثل ماذكرت اختي اليازي .... فنادق مدينة جميرا (ميناء السلام أو القصر) فخم وراقي الغرف اطل عالبحر او عالنهر الصناعي.
سعره شهر 2 الغرفة = 1600 بدون الضرائب مع الضريبة يوصل 1800 تقريباً ، السعر من الفندق مباشره ، السعر من المكتب يكون أرخص بكثير ، مع العلم دايماً تكون أسعارهم أغلى من 1600
. بحد ذاتة المكان سفرة ، عبارة عن منتجع يظم 3 فنادق وسوق ومطاعم يربط امبينهم نهر صناعي ، وتتنقل بالعبرة(القارب) قريب جداً من برج العرب
الفنادق المذكورة بالصور فالرابط
https://artravelers.com/p/re/122110
أيضاً فندق الكمبنسكي ملاصق لمول الإمارات ، يعني كل شي تحتك التسوق+المطاعم ولكوفيات+سكي دبي+السينما+الألعاب)
أيضاً الصور فالرابط

• فندق جراند حياة فخم وحلو

معلومات عن الأماكن السياحية:
https://artravelers.com/p/re/171557
ورحلة موفقة بإذن الله
.

مشكورة اختي اليازي عالصور
الله يعطيج العافية ، ليش ماتنزلينهم في موضوع مستقل عشان الإخوان يستفيدون