اول شى بوكيت ما فيها حي عربى
مكانه بالباتونج بيش وقريب من الشارع الرئيسى للباتونج
بس ما انصح بالسكن فيه لانه نظام غرف بمبنى وادوار والغرف ما تطل على حمام السباحه لانه خارج الفندق
اذى تبين نصيحتى فيه فندق افضل بالموقع وانظف منه ونفس السعر وهو
Thara Patong Beach Resort & Spa
وفندق Patong Resort انا كنت ابى اسكن فيه ولما شفته ما عجبنى وسكنت فى الى عطيتج اياه وكان نفس السعر تقريبا

مشكور يا خوي على الرد
بس حبيت أعرف شو قصدك بنظام غرف بمبنى وأدوار ؟؟!
وهل هو سكن للعزوبيه أم أنه يصلح للعوائل لأني رايح مع زوجتي وإبني ؟؟
ياليت ترد عليه خوي وكون شاكر لك جزيل الشكر

والبلكونه تطل على البحر أم لا والفندق اللي ذكرته يطل على البحر أم لا

بنظام مبنى يعنى مثل الفنادق العاديه مو نظام شاليهات او غرف على البحر
وبوكيت نظام الفنادق الى فيها يكونون دور واحد او دورين ويحيطون بحمام السباحه اما الفندق الى اخترته مو نفس النظام وتقدر تشوف صوره
والفندقين لايطلون على البحر

باتونغ ريسورت هل هو فندق للعزاب والشباب أم هو سكن للعائلات؟؟
وشكرا لك أخي الكريم
وياليت تفيدنا بأسامي لفنادق فيها شاليهات على البحر وتكون 4 إلى 3 نجوم مو مشكله
ومشكور أخوي مره ثانيه وأتعبناك معانا

بوكيت مافيها فندق للعزاب وفندق للعوائل كل الفنادق تحصل فيها عزاب وتحصل عوائل
باتونغ ريسورت ممكن تحصل فيه جاليه هنديه وروسيه لاكن بالصيف ما درى عنه وخبرى فيه من تقريبا 5 سنين
والباتونج مافيه فنادق على البحر مباشره الا قليل والاغلب بينهم وبين البحر شارع
وفندق شاليهات قليل جدا فى الباتونج وعندك
Impiana Phuket Cabana Resort & Spa
Patong Bay Garden Resort
والاخير دربالك ترى قريب منه شارع كله بارات

مشكور جدا أخوي وما قصرت والله يعطيم العافيه إن شاءالله على المعلومات