دائما اللي يروحون علاج يسكنون في منطقة اللاديفانس لأن هناك تجمع للخليجين بالذات واغلبهم كويتيين يا يسكنون بشقق بجانب محطة اسبلاند لاديفانس او بجانب مول الفصول الاربعة اللي بمحطة لاديفانس هناك عمارات اسمها غامبيتا او يسكنون بشقق فندقية اسمها اداجيو وقريب منها كارفور ومطاعم وبقالات وجزار عربي انا انصحك فالاختيار الاول لان هناك شقق كثيرة وحلوة راح تعجبك وفيها تلفزيون قنوات عربية ناهيك عن تحت العمارة سوبر ماركت عربي كبير فية كل اللي تحتاجة من الاحتياجات العربية فلاتاخذ معاك مواد غذائية نهائي لان في باريس كل شي متوفر الا اذا اطفالك يشربون حليب معين اخذ لهم من عندك لان الحليب بفرنسا يختلف