هلا اختي الباحثة ...
دار السندس رويال بالاس ماعندي علم عنه ...
أما بالنسبة للسندس سويتس ميريديان ( فئة خمس نجوم )
قريب جداً من سوق سيتي سنتر بمسافة 50 متر ..
ويبعد عن مطار دبي ب 5 دقائق ..

P.O.Box 5050, Dubai, United Arab Emirates
telephone +971 4 294 9797
facsimile +971 4 295 6464

مشكورة إختي شنطة سفر على هالمعلومات وبارك الله فيج على هالتجاوب السريع وماقصرتي
بس حبيبتي هالمعلومات عن السندس و أنا إلي أسأل عنه ( دار السندس ) على فكره الإثنين تبع
الميرديان ..
و أنا دخلت على موقع دار السندس بالانترنت ,, لكن النت للأسف ما يعطي المعلومه المطلوبه فودي إلي جربهم فعلا هم مع الرويال بلاس خصوصا فيما يخص صلاحيتهم للعوائل .
ماعليه غلبتكم و تعبتكم .
تحياتي ............

اختي الباحثة .. اتصلت فيهم شخصيا وبالنسبة لدار السندس للشقق الفندقية فهو يقع في بر دبي وسعر الشقة في شهر 6 مابين 300- 450 درهم .. ويبعد عن سيتي سنتر قرابة ربع ساعة ..
اما السندس سويتس ميريديان فهو يقع بالقرب من سيتي سنتر و هو عبارة عن استوديوهات واسعاره في شهر 6 تبدأ من 600 + 20 % ضريبه ..
معليش انا اتلخبطت بين الاثنين في البداية ..

جزاج الله خير إختي شنطة سفر
ويا بعد عمري و الله ما قصرتي
و سامحيني حبيبتي تعبتج معاي .
يعني دار السندس طلع بعيد و المشكله العيال الا يبون الستي سنتر
ورويال بلازا طلع بشارع الرقة ..
و الأكثرية مدحولي شقق البستان وايضا قالوا انه فيه تحتها سوق ..
المشكله راعي المكتب ينطر أعطيه الأوكي وأنا ودى أعرف الأفضل
صج صج إحترت ..
تحياتي ..........

اختى الباحثه ، أنصحج بفندق السيتى سنتر دام العيال ملزمين يبون السيتى سنتر .. أضمن و أأمن .. دار السندس أو السندس مارا يفيدج قربهم من السيتى .. فى كلتا الحالتين لازم مواصلات و روح و ودى و جيب من و إلى .. فى الفندق بتكونين مطمنه عليهم أكثر ولا تحاتينهم ..وما راح يملون الله يحفظهم ..

كل الشكر لك أخي سكود وبارك الله فيك
مشكوره إختي بنت الصقور وما قصرتي يا الغالية على النصيحه
فقد استقر بنا المقام أخيرا على شقق البستان والواضح بالخريطة انهم بعاد شوي عن الستي سنتر
لكن حسب ما قرأت بأنه حواليهم سوق لكن للأسف ما أعرف مستواه وهل يوازي الستي سنتر والا لأ ..
وما أدري ان كان هل بيعجب العيال وبيكتفون فيه والا لازم مشاوير الستي سنتر
تحياتي ............

معلوماتك صحيحة اختي
فندق دار السندس بعيد عن السيتي سنتر اكثر من نصف ساعة بالسيارة ومكانه لايصلح للعائلات
اقرب شقق من سيتي سنتر شقق الرحاب روتانا وشقق السندس (غير دار السندس) وشقق الماريوت وأنا شخصيا أنصح بالماريوت.
راجعي هذا الموضوع فيه تفاصيل مفيدة https://artravelers.com
تمنياتي برحلة سعيدة

كل الشكراخوي بو عثمان وبارك الله فيك
وجزاك الله خير على مداخلتك ونصيحتك
وكأن امر السكن والله اعلم بيصفى على شقق البستان .
تحياتي ........