الموقع لا يحجز لزبائن للشرق الأوسط يجب الحجز عن طريق وكيل سفر ويوجد مكتب لشركة رويال كاريبيان اريبيا بدبي ومنه تقوم جميع المكاتب السياحية بالتنسيق لأي زبون ولكن للإستفسار ممكن تتصل فيهم0097143314285 بس اريح لك بعد ما تعرف السعر ترجع تحجز عن طريق اي مكتب سياحي معروف وثقة لأن لين حجزت بيعطيك المكتب كل الاوراق والستيكرات الي تلصقهم على الشنط قبل ما تركب الباخرة مباشرة (مب من المطار تلصقهم)
آنه حجزت لشهر سبتمبر رحلة ال 7 ليالي من برشلونه ب 1148 دينار بحريني لشخصين غرفه مع بلكون ولكن الغرفة الداخلية الي ما فيها ولا فتحة او دريشة قالوا لنا 750 دينار بحريني للشخصين طبعاً زوجي مات يقنعني بهالغرفة ولكن هيهات لزمت ما ابي الا بلكون مع إنه كلامه صح احنا ما بنستخدم الغرفة الا للنوم فمتى بنقعد بالبلكون!!!ولكن في غرف يسمونهم بروميناد هذي دريشتهم تطل على داخل السفينة يعني غير مطلة على البحر وذي ب 920 دينار للشخصين,,وطبعاً في الدريشة الي عالبحر (ما تنفتح) بس للأسف ما عندي السعر....وهذي الاسعار تشمل الرحلة والوجبات (في بوفيه مفتوح 24 ساعة )غير البوفيهات الأساسية الي فيها ما لذ وطاب وطبعاً في مطاعم تقدر تشتري منها بفلوس وطبعاً المشروبا مو كلها مجانية او قصدي مدفوعة الاجر....بالإضافة الى العروض والاستعراضات الليلية الي تقدر تحضرها ( بعد مدفوعة الاجر) , حلقة التزحلق والسينما ان وجدت على السفينة الي راح تطلع عليها(مدفوعة الاجر)ملاعب الجولف والسلة متوفرة والجيم كذلك...وبرك السباحة.....والمناطق الي راح تنزلها بس من الصبح لي المغرب يعني راح ترجع تنام بالسفينة وهي تبحر لتصل لمكان آخر......ولا ننسى السعر شامل للبقشيش الإجباري لثلاثة أفراد على ما اظن 10 دولار يومياً لكل واحد من هالثلاثة المسئولين عن راحتك بالرحلة مثل الي ينظف الغرفة والنادل مال المطعم الي مختص بطاولة اكلك طول الفترة لأن مكانك يجب ان يكون ثابت طول الرحلة وبعد مادري من !!!!بيعطيك مكتب السفريات مغلف فيه مثل الشيك إنك دافع البقشيش مقدماً بس يمكنك تتبحبح وتعطيه كاش زيادة من باب الكرم....بس لازم تحجز لك فندق في برشلونة على الأقل ليلة قبل الرحلة وليلة بعد الرحلة إذا مب حاب تطول ببرشلونة......في رحلة ال12 ليلة ميديتريان تطلع من برشلونه وايد عجيبة بس غالية شخصين غرفة بلكون 2226 دينار , بس تمر وايد اماكن منها فرنسا و إيطاليا اكثر من منطقة اظن نابولي و فينيسيا وبعد تمر مونت كارلو واليونان وكرواتيا بس الي بينزل كرواتيا لازم يسوي فيزا من الباخرة تقريباً 100 دولار آظن بس الي راحوا يقولون ما تسوى......الي باروحها آنه بتمر نابولي ومنها اقدر اطلع خلال نفس اليوم لجزيرة كابري (طبعاً على حسابنا الخاص) وثاني يوم روما وثالث يوم فلورنس بيزا ثم نيس ثم بروفانس بفرنسا ايضا واخيرا ترجع برشلونة الجميلة.....طبعاً جميع الرحلات لما تنزل اي منطقة إذا تبي تحجز مع التور تبع شركات السياحة (طبعاً اغلى) او خذ تكسي بس لازم تعرف وين لازم تروح بالضبط لأن ماعندك إلا نصف يوم تقريبا بكل ميناء...يعني يبيلها ميزانية .....
آتمنى ما كون طولت عليكم وحاضرة لأي استفسار