سلخير
هلا الغريق.....
بالنسبة للحجز فأتوقع ماراح تصير مشاكل ,,, لان اصلاً عند التفتيش او جوازات المطار مايسألونك عن التذكرة بس بيسألونك كم بتجلس....
وبخصوص فتح الحساب تقدر تفتح ,,, وعلى فكرة ماانصحك تاخذ كل فلوسك معك لان التفتيش بيسألونك عن المبلغ الي تشيلة معك اللحين واذا كان اكثر من 10 الاف دولار نيوزيلندي بياخذون عليك ضريبة فحاول تاخذ معك مبلغ بسيط والباقي خله في حسابك في البنك السعودي واذا فتحت هناك حول فلوسك من البنك السعودي لبنكك في نيوزيلندا....
جوازك مااتوقع انك بتقدر تجدده في نيوزيلندا لان مافيه سفارة ,,, بس مجرد مكتب صغير ومافيه احد...
احسن شي طلعلك جديد ,,, وترا مهوب لازم يكون باقي في الجواز 6 شهور بس لاني اعرف واحد طلع جواز جديد وباقي في جوازة القديم اكثر من 6 شهور...
بس بيخرمون جوازك القديم وبيعطونك جديد وهالكلام ترا في جوازات الرياض تحديداً.....
.وبالتوفيق.

اهلين اخوي العريق
بالنسبه لمطار اوكلاند ان شاء الله مافيه مشاكل انا رحت لمهم وما كان معي قبول معهد ولا شيء صحيح انهم يبي يوجهونك على مسار رقم 4 لكن عادي يعني يفتحون شنطتك وكم سؤال بسيط وبعدها يقولونلك اهلا وسهلا فيك في نيوزلاندا لا تشيل هم ان شاء الله الامور تساهيل يا حلو.
وبالنسبه للحساب من تجربه شخصيه انا كان معي 3000 دولار امريكي رحت بنفسي للبنك وطلبت فتح حساب وكان البنك اسمه بنك نيوزلاندا ومن حسن الحظ انه كان عندهم حساب خاص بالطلبه وعطوني بطاقة صراف فيها تخفيضات لبرجر كنج والسينما وغيره 000 فانا انصحك في بنك نيوزلاندا وبعد فيه بنوك ثانيه تقدم عرووض لطلبه بعض الاحيان مثل افتح حساب ويعطونك مشغل ام بي ثري يعني انت شف المناسب واختر الي يعجبك.
وموفق ان شاء الله واي سؤال حاضر ومن عيوني
محبكم
هلستون فراوله

ميقالو ....هلستون فراوله
مشكورين على المساعده بصراحه طمنتوني
الله يوفقكم
إستفسار بسيط
أنا بيكون معي في جيبي 10000ريال سعودي
هل فيها ضرايب ...وأقدر أغير العمله في المطار مباشره؟

اهلين اخوي الغريق
بالنسبه 10000 ريال سعودي طبعا اكيد تبي تحولها لدولار امريكي وتقريبا يبي يكون معك2700 وهذا مبلغ عادي ان شاء الله مافيه مشاكل توكل على الله.
وبالنسبه لتغيير العمله نصيحه لك اول ما توصل المطار لا تغير كل المبلغ الي معك من المطار حاول انك تغير مبلغ بسيط يمشك لين تستقر بالمكان الي تبي تعيش فيه وبعدين رايح تحصل امكان تحويل للعملات بيكون اوفرلك من التغيير في المطار بيحسبونلك التغيير بريت احسن من الي في المطار . وبالتوفيق ان شاء الله. واي سؤال تراني حاضر ومن عيوني.
محبكم
هلستون فراوله